এবছৰতে প্ৰায় ৬৬ হাজাৰ ভাৰতীয়ই লাভ কৰিছে আমেৰিকাৰ নাগৰিকত্ব

প্ৰায় ৬৬ হাজাৰ ভাৰতীয়ই এবছৰত আমেৰিকাৰ নাগৰিকত্ব লাভ কৰিছে। আমেৰিকাৰ নাগৰিকত্ব লাভৰ ক্ষেত্ৰত ভাৰত দ্বিতীয় স্থানত আছে। এই ক্ষেত্ৰত আমেৰিকাৰ চুবুৰীয়া দেশ মেক্সিকো প্ৰথম স্থানত আছে।

সংবাদ মাধ্যমৰ বাতৰি অনুসৰি, ২০২২ চনত আমেৰিকাত বিদেশী বংশোদ্ভৱ লোকৰ সংখ্যা আছিল ৪.৬ কোটি, যিটো দেশৰ মুঠ জনসংখ্যাৰ ১৪ শতাংশ। সেই বছৰ মুঠ ৯৬৯,৩৮০ জন লোকে আমেৰিকাৰ নাগৰিকত্ব লাভ কৰিছিল।

লগতে পঢ়কঃ CAA ভাৰতৰ সংবিধান বিৰোধী; কোৱা হৈছে আমেৰিকান কংগ্ৰেছৰ স্বতন্ত্ৰ প্ৰতিবেদনত

দেশ হিচাপে সৰ্বাধিক আমেৰিকাৰ নাগৰিকত্ব পায় মেক্সিকোৱে। ভাৰত দ্বিতীয় স্থানত। ইয়াৰ পিছতে আছে ফিলিপাইনছ, কিউবা আৰু ডমিনিকান ৰিপাব্লিক।

শেহতীয়াকৈ প্ৰকাশিত তথ্য অনুসৰি, ২০২২ চনত মেক্সিকোৰ পৰা ১ লাখ ২৮ হাজাৰ ৮৭৮ জন, ভাৰতৰ পৰা ৬৫ হাজাৰ ৯৬০ জন, ফিলিপাইনছৰ পৰা ৫৩ হাজাৰ ৪১৩ জন, কিউবাৰ পৰা ৪৬ হাজাৰ ৯১৩ জন, ডমিনিকান ৰিপাব্লিকৰ ৩৪ হাজাৰ ৫২৫ জন, ভিয়েটনামৰ পৰা ৩৩ হাজাৰ ২৪৬ জন আৰু চীনৰ পৰা অহা ২৭ হাজাৰৰো অধিক লোকে আমেৰিকাত নাগৰিকত্ব লাভ কৰে।

লগতে পঢ়কঃ ইতিহাস! দবাত কনিষ্ঠতম খেলুৱৈ হিচাপে বিশ্ব চেম্পিয়নক প্ৰত্যাহ্বানৰ যোগ্যতা অৰ্জন ১৭ বছৰীয়া ভাৰতীয় গুকেশৰ

চি আৰ এছৰ প্ৰতিবেদন অনুসৰি ২০২৩ চনলৈকে বিদেশী বংশোদ্ভূত আমেৰিকানসকলৰ ভিতৰত ২.৮৩১৩৩০ জন আছিল ভাৰতীয়। আনহাতে, মেক্সিকোৰ আছিল ১ কোটি ৬ লাখ ৩৮ হাজাৰ ৪২৯ জন আৰু চীনৰ ২২ লাখ ২৫ হাজাৰ ৪৪৭ জন লোক।