অভিলেখ গঢ়িও দোহা ডাইমণ্ড লীগত দ্বিতীয় স্থানতে থমকি ৰ’ল নীৰজ চোপ্ৰা

ভাৰতৰ তাৰকা জেভেলিন থ্ৰ’ৱাৰ নীৰজ চোপ্ৰাই ২০২৫ চনৰ দোহা ডাইমণ্ড লীগত ৯০.২৩ মিটাৰ দূৰত্বত জেভেলিন নিক্ষেপ কৰি ঐতিহাসিক কৃতিত্ব অৰ্জন কৰিছে।  তেওঁ প্ৰথমবাৰৰ বাবে ৯০ মিটাৰৰ সীমা অতিক্ৰম কৰি নতুন ৰাষ্ট্ৰীয় অভিলেখ গঢ়িছে আৰু এই দূৰত্বত উপনীত হোৱা প্ৰথম ভাৰতীয় হিচাপে স্বীকৃতি লাভ কৰিছে। কিন্তু এই অসাধাৰণ সাফল্যৰ পিছতো নীৰজে দ্বিতীয় স্থানত সন্তুষ্ট থাকিব লগা হয়। জাৰ্মানীৰ জুলিয়ান ৱেবাৰে ৯১.০৬ মিটাৰ নিক্ষেপ কৰি প্ৰথম স্থান দখল কৰে।

প্ৰতিযগিতাটো অত্যন্ত তীব্ৰ আছিল। নীৰজে কেৱল প্ৰতিদ্বন্দ্বীৰ সৈতে সংগ্ৰাম কৰাই নহয়, ৯০ মিটাৰৰ লক্ষ্যত উপনীত হোৱাৰ মানসিক চাপৰ সন্মুখীন হৈছিল। তিনি বছৰ পূৰ্বে তেওঁ ৮৯.৯৪ মিটাৰ নিক্ষেপ কৰি এই সীমাৰ ওচৰ চাপিছিল, কিন্তু এইবাৰ তেওঁ অৱশেষত সেই বাধা অতিক্ৰম কৰিবালৈ সাক্ষম হয়। নীৰজে জনায় যে তেওঁৰ প্ৰশিক্ষক জান জেলেজনীয়ে কৌশলৰ ওপৰত গুৰুত্ব দিবলৈ উৎসাহিত কৰিছিল, যাৰ ফলত তেওঁ এই অভিলেখ গঢ়িবলৈ সক্ষম হয়। দ্বিতীয় স্থান লাভ কৰাৰ পিছতো নীৰজ আশাবাদী, তেওঁ কয় যে এয়া মাত্ৰ আৰম্ভণি।

এতিয়া দেশজুৰি উদযাপন কৰিছে নীৰজৰ এই কৃতিত্বক। প্ৰধানমন্ত্ৰী নৰেন্দ্ৰ মোদীয়ে তেওঁৰ “অসাধাৰণ কৃতিত্ব”ৰ প্ৰশংসা কৰি কয় যে তেওঁ ভাৰতক গৌৰৱান্বিত কৰিছে। দ্বিতীয় স্থানৰ বাবে তেওঁৰ মনত মিশ্ৰিত অনুভূতি থাকিলেও, নীৰজৰ দৃষ্টি এতিয়া অধিক দূৰত্বৰ নিক্ষেপ আৰু ভৱিষ্যতৰ প্ৰতিযোগিতাৰ ওপৰত।