মিজোৰাম-অসম সংঘাত জাতিগত সমস্যা নহয়, সীমান্ত বিবাদৰ বিষয় চৰকাৰে সমাধান কৰিবলৈ বাধ্য: নেছ’

‘উত্তৰ-পূৱ ছাত্ৰ সন্থাই সকলো খিলঞ্জীয়া লোকক আহ্বান জনাব বিচাৰে যে এই সমস্যাটো এটা জাতিগত সমস্যা নহয় কিন্তু সীমান্ত বিবাদৰ বিষয় য’ত সংশ্লিষ্ট ৰাজ্য চৰকাৰবোৰে সমাধান কৰিবলৈ বাধ্য।‘ বৃহস্পতিবাৰে উত্তৰ পূৱ ছাত্ৰ সন্থাই এক বিজ্ঞপ্তিযোগে এইদৰে কয়।

সৰ্বসন্মত মীমাংসাৰে সীমা সঠিকভাৱে নিৰ্ধাৰণ কৰি এটা সমাধানৰ পথ উলিওৱাৰ কথা উল্লেখ কৰি নেছ’ই লগতে কয়, ‘তেনেহ’লে বিভিন্ন ৰাজ্য আৰু সীমান্তত বাস কৰা লোকসকলৰ মাজত শান্তি ৰক্ষা হ’ব, ভয় নোহোৱাকৈ আৰু নিজৰ মাজত সম্প্ৰীতিৰে জীয়াই থাকিব পাৰিব।”

সোমবাৰে অসম আৰু মিজোৰামৰ মাজত হোৱা ৰক্তক্ষয়ী আন্তঃৰাজ্যিক সীমান্তৰ সংঘৰ্ষৰ পটভূমিত নেছ’ই এই মন্তব্য কৰিছে।

নেছ’ই অসম-মিজোৰাম সীমান্তৰ সংঘৰ্ষক লৈ হতাশা ব্যক্ত কৰিছে। সংগঠনটোৱে লগতে ঘটনাটোক গৰিহণা দিছে।

‘অসম-মিজোৰাম সীমাৰ সৈতে শেহতীয়া সীমান্তৰ সংঘৰ্ষৰ ক্ষেত্ৰত নিজৰ বেদনা আৰু সহমৰ্মিতা প্ৰকাশ কৰিব বিচাৰো যিটো সঁচাকৈয়ে নিন্দনীয় আৰু লগতে ই মানুহৰ জীৱনৰ কাঢ়ি নিয়াৰ লগতে, বহুতক আহত আৰু মানুহৰ সম্পত্তি ধ্বংস কৰিছে।‘ বিবৃতিত উল্লেখ কৰে।

সীমা বিবাদৰ বিষয়ত বিভিন্ন পৰ্যায়ত বিভিন্ন ৰাজ্যৰ মাজত হোৱা বহুপৰ্যায়ৰ আলোচনাত সমাধান অনাত ব্যৰ্থ হোৱা বুলিও তেওঁলোকে উল্লেখ কৰে।

দেখা গৈছে যে বহুতো স্তৰৰ সীমা আলোচনাত এই জৰ্জৰিত সমস্যাৰ কোনো সমাধান ওলোৱা নাই,” নেছ’ই বিবৃতিত কয়।

শেহতীয়াকৈ, সংগঠনটোৱে (নেছ’) মেঘালয় ভ্ৰমণৰ সময়ত সীমান্ত সমস্যাৰ ওপৰত আলোচনাৰ বাবে কেন্দ্ৰীয় গৃহ মন্ত্ৰী  অমিত শ্বাহৰ ওচৰলৈ এক প্ৰতিনিধি দল প্ৰেৰণ কৰিছিল।

নেছ’য়ে আকৌ এবাৰ ৰাজ্য চৰকাৰকেইখনক এই দীৰ্ঘদিনীয়া অমীমাংসিত সমস্যাটো চিৰদিনৰ বাবে সমাধান কৰাৰ বাবে প্ৰতিশ্ৰুতিবদ্ধ হ’বলৈ গভীৰ আহ্বান জনাইছে আৰু প্ৰয়োজন হ’লে, কেন্দ্ৰীয় চৰকাৰক এই আলোচনাবোৰত এক পক্ষ হ’ব লাগে বুলি দোহাৰিছে।

ইয়াৰ দ্বাৰা নেছ’য়ে সীমান্ত অঞ্চলত জনসাধাৰণৰ সম্পৰ্কৰ উন্নত কৰাত উৎসাহিত কৰিব বুলি বিবৃতিটোত উল্লেখ কৰে।