তপা লোকৰ বাবে সুখৱৰ; বজাৰলৈ আহি আছে মূৰত চুলি গজোৱা বিশেষ যন্ত্ৰ

চুলি সৰাৰ বাবে চিন্তিত লোকসকলৰ বাবে সুখৱৰ। বিশেষজ্ঞসকলে পিন্ধিব পৰা এটা যন্ত্ৰ বিকশিত কৰিছে, যিটোৱে পৰিধান কৰাজনৰ পৰা শক্তি লাভ কৰে আৰু চুলিৰ কোষসমূহক উত্তেজিত কৰাৰ বাবে বৈদ্যুতিক সংকেত প্ৰেৰণ কৰে তথা চুলি পুনৰ গজাই তোলে।

উক্ত যন্ত্ৰটো পৰিধান কৰা লোকসকলৰ গতিবিধিৰ ফলতেই ই শক্তি প্ৰাপ্ত কৰে।

সেয়েহে, ইয়াক শক্তিশালী বেটেৰীৰ বা জটিল ইলেকট্ৰনিক্সৰ প্ৰয়োজন নহয়। প্ৰকৃততে ইয়াক বেচবলৰ টুপীটোৰ তলত সাৱধানে পৰিধান কৰিব পাৰি।

আমেৰিকাৰ উইচকনছিন-মেডিছন বিশ্ববিদ্যালয়ৰ অধ্যাপক জুডোংগ বাংগে কয়,’’মই ভাৱো এইটো চুলি পুনৰ গজোৱাৰ বাবে অত্যন্ত ব্যৱহাৰিক সমাধান।‘’

‘এচিএছ নেনো’ নামৰ জাৰ্ণেলখনত এই যন্ত্ৰটো উদ্ভাৱনৰ কথা প্ৰকাশ পাইছে।

চুলি নোহোৱা এন্দুৰৰ ওপৰত চলা নিৰন্তৰ পৰীক্ষাত এই যন্ত্ৰটোৱে সক্ৰিয়তাৰে চুলি বৃদ্ধিৰ সংকেত প্ৰেৰণ কৰিছে যিটো দুটা বেলেগ বেলেগ তপাৰ বাবে থকা ঔষধত পোৱা যায়।

দিনে দিনে চলি থকা শৰীৰৰ গতিৰ পৰা শক্তি সংগ্ৰহ কৰা যন্ত্ৰটোৰ আধাৰত চুলিৰ বিকাশ কৰা ছালৰ কাৰিকৰীক সযতনে, কম স্পন্দনযুক্ত বৈদ্যুতিক সংকেত প্ৰেৰণ কৰে, যিয়ে সুপ্ত হৈ থকা কোষসমূহক পুনৰ সক্ৰিয় কৰি চুলি গজোৱাত সহায় কৰে।

এই যন্ত্ৰ বজাৰলৈ অহাৰ পাছত তপা লোকসকলে যথেষ্ট স্বস্তি লাভ কৰিব বুলি আশা কৰা হৈছে।