সুৰক্ষা পৰীক্ষাত শ্ৰেষ্ঠ! মাৰুতি চুজুকি ডিজায়াৰৰ এই মডেলৰ দামো সাধ্যৰ ভিতৰত!

মাৰুতি চুজুকি ডিজায়াৰৰ নতুন মডেলে শ্ৰেষ্ঠ সুৰক্ষাৰ খিতাপ দখল কৰিছে। এই মডেলে গ্ল’বেল এনকেপছ ৰেটিঙত ৫ৰ ভিতৰত ৫ ৰেটিং লাভ কৰিছে।

পথচাৰীৰ সুৰক্ষাৰ উপৰিও গ্ল’বেল এনকেপছ ৰেটিঙত বাহনত থকা লোকৰ সুৰক্ষাকে ধৰি কেইবাটাও কাৰক জুখি চোৱা হয়। এই গোটেই পৰীক্ষাটোক ক্ৰেচ টেষ্ট বোলা হয়।

গ্ল’বেল এনকেপছৰ ক্ৰেচ টেষ্টত প্ৰথমবাৰৰ বাবে মাৰুতিৰ কোনো মডেলে ফাইভ ষ্টাৰ ৰেটিং লাভ কৰিছে। উল্লেখযোগ্য যে এই মডেলে প্ৰাপ্তবয়স্ক যাত্ৰীক সুৰক্ষিত ৰখাৰ ক্ষেত্ৰত ফাইভ ষ্টাৰ ৰেটিং লাভ কৰিছে।

আনহাতে, মাৰুতি চুজুকিৰ ফোৰ্থ জেনেৰেশ্যন ডিজায়াৰক শিশুক সুৰক্ষিত ৰখাৰ ক্ষেত্ৰত ফোৰ ষ্টাৰ ৰেটিং দিয়া হৈছে। আনহাতে, চালকৰ সুৰক্ষাৰ ক্ষেত্ৰতো মাৰুতিৰ এই মডেলে ভাল ৰেটিং লাভ কৰিছে।

ভেহিকল ষ্ট্ৰাকচাৰ, ফুটৱেল ৰিজিয়নৰ ক্ষেত্ৰতো ই ভাল ৰেটিং পাইছে। এই নতুন মডেলত পেট্ৰল আৰু চিএনজি পাৱাৰট্ৰেইন উপলব্ধ আছে।

উল্লেখ্য যে ইতিমধ্যে এই মাৰুতি চুজুকি ডিজায়াৰৰ বুকিং আৰম্ভ হৈছে। মাত্ৰ ১১০০০ টকাত আপুনি গাড়ীখন প্ৰি-বুক কৰিব পাৰিব। অনুমান কৰা হৈছে যে ইয়াৰ মূল্য চাৰে ছয় লাখৰ পৰা চাৰে ন লাখৰ ভিতৰত হ’ব।