ব্ৰাজিলিয়ান ফুটবল তাৰকা নেইমাৰৰ বিৰুদ্ধে যৌন নিৰ্যাতনৰ চাঞ্চল্যকৰ অভিযোগ, কাৰ?
যোৱা বছৰ ব্ৰাজিলৰ ফুটবল তাৰকা নেইমাৰৰ স’তে ১৫ বছৰ ধৰি চলি অহা চুক্তি ভংগ কৰিছিল ‘নাইক’-এ (Nike) ।
ইয়াৰ কাৰণ হিচাপে শেহতীয়াকৈ এক চাঞ্চল্যকৰ ভাষ্য আগবঢ়াইছে জোতা কোম্পানীটোৱে।
সংস্থাটোৱে জনোৱামতে, নেইমাৰৰ বিৰুদ্ধে কোম্পানীটোৰ এগৰাকী কৰ্মীৰ ওপৰত যৌন নিৰ্যাতনৰ অভিযোগ উঠিছিল।
২০১৬ চনত এই অভিযোগ উত্থাপিত হৈছিল।
২০১৮ চনত তদন্ত আৰম্ভ হয়।
কিন্তু অভিযোগটোৰ তদন্তত সহযোগ কৰিবলৈ ৰাজি হোৱা নাছিল ফুটবলাৰজন।
নাইকে জনোৱামতে, নেইমাৰৰ বিৰুদ্ধে বিশ্বাসযোগ্য প্ৰমাণ থকা সত্বেও তদন্তত সহযোগ কৰিবলৈ ৰাজি নাছিল নেইমাৰ।
নেইমাৰৰ বিৰুদ্ধে উঠা সকলো অভিযোগ অস্বীকাৰ কৰিছে তেওঁ।
ফুটবলাৰজনৰ মুখপত্ৰই জনোৱামতে, ব্যৱসায়িক কাৰণতহে নাইকৰ স’তে চুক্তি ভংগ কৰা হৈছে।