এছ বি আইক হৃদয়হীন বেংক আখ্যা বিত্ত মন্ত্ৰী সীতাৰমনৰ; এআইবিঅ’চিৰ তীব্ৰ প্ৰতিক্ৰিয়া প্ৰকাশ

ভাৰতীয় ষ্টেট বেংক এটা হৃদয়হীন বেংক বুলি আখ্যা দিলে কেন্দ্ৰীয় বিত্ত মন্ত্ৰী নিৰ্মলা সীতাৰমনে।

ঘটনাটো আছিল যোৱা ২৭ ফেব্ৰুৱাৰিৰ গুৱাহাটীত অনুষ্ঠিত এখন সভাৰ। গুৱাহাটীৰ উক্ত বৈঠকত বিত্ত মন্ত্ৰী গৰাকীয়ে এছ বি আইৰ অধ্যক্ষ ৰাণীশ কুমাৰক চাহ শ্ৰমিকসকলক ঋণ প্ৰদানত ব্যৰ্থ হোৱা বুলি কৈ এছ বি আইৰ অধ্যক্ষজনক হিন্দীতে ‘ইয়ে নাহি চলেগা’ বুলি ভৎসৰ্না কৰিছিল।

আনকি বিত্ত মন্ত্ৰী গৰাকীয়ে এছ বি আইএ এই ক্ষেত্ৰত কঠোৰ নিয়ম প্ৰযোজ্য কৰা বুলি খড়গস্ত হৈ বেংকটোক ‘হৃদয়হীন বেংক’ বুলিও তাচ্চিল্য কৰিছিল।

অল ইণ্ডিয়া বেংক অফিচাৰ্ছ কনেফডাৰেচন এই ঘটনাৰ সন্দৰ্ভত এতিয়া তীব্ৰ প্ৰতিক্ৰিয়া প্ৰকাশ কৰিছে।

কনফেডাৰচনে বিত্ত মন্ত্ৰীগৰাকীৰ এই আচৰণক সহজভাৱে ল’ব পৰা নাই। কনফেডাৰচনে বিত্ত মন্ত্ৰী গৰাকীয়ে ৰাজহুৱা স্থানত এছ বি আই অধ্যক্ষগৰাকী এই দৰে আচৰণ কৰাৰ বিৰু্দ্ধে প্ৰতিবাদ সাৱ্যস্ত কৰা বুলিও জনাইছে।