UG NEET Syllabus 2024: সলনি হৈছে NEET UG পৰীক্ষাৰ পাঠ্যক্ৰম; কি পৰিৱৰ্তন কৰা হ’ল?
চিকিৎসা বিজ্ঞানৰ স্নাতক পৰ্যায়ত নামভৰ্তিৰ বাবে অহা বছৰৰ নীট-ইউজি প্ৰৱেশ পৰীক্ষাৰ পাঠ্যক্ৰম প্ৰকাশ কৰিছে ৰাষ্ট্ৰীয় চিকিৎসা আয়োগে (এন এম চি)। সোমবাৰে এন এম চিৰ আণ্ডাৰ-গ্ৰেজুৱেট মেডিকেল এডুকেশ্যন ব’ৰ্ডে প্ৰকাশ কৰা ২০২৪ চনৰ পাঠ্যক্ৰমত দেখা গৈছে যে পূৰ্বে ৯৭টা অধ্যায় থকা পদাৰ্থ বিজ্ঞান, ৰসায়ন বিজ্ঞান আৰু জীৱবিজ্ঞান এইবাৰ ৭৯টালৈ হ্ৰাস পাইছে।
সকলো বিষয়তে কিছুমান অধ্যায় সংযোজন কৰা হৈছে যদিও তাতকৈ অধিক কমেও ১৮টা অধ্যায় বাদ দিয়া হৈছে। এনএমচিৰ সূত্ৰ অনুসৰি NEETৰ পাঠ্যক্ৰমক অধিক শিক্ষাৰ্থী অনুকূল কৰি তোলাৰ লক্ষ্যৰে এই পদক্ষেপ গ্ৰহণ কৰা হৈছে।
লগতে পঢ়কঃ বিহাৰত নৰ্থ-ইষ্ট এক্সপ্ৰেছ ৰে’ল দুৰ্ঘটনাত নিহত কমেও ৪জন; আহত শতাধিক, মুকলি হেল্পলাইন নম্বৰ
দেশৰ বিভিন্ন প্ৰান্তৰ পৰা ২০ লাখৰো অধিক ছাত্ৰ-ছাত্ৰীয়ে নীট পৰীক্ষাত অৱতীৰ্ণ হয়। এনএমচিয়ে পাঠ্যক্ৰম হ্ৰাস কৰাত ছাত্ৰ-ছাত্ৰী আৰু তেওঁলোকৰ অভিভাৱক তথা শিক্ষকসকলে আদৰণি জনাইছে।
যিবোৰ বিষয় যোগ কৰা হৈছে সেইবোৰ প্ৰধানকৈ ব্যৱহাৰিক। উদাহৰণস্বৰূপে পদাৰ্থ বিজ্ঞানত ভাৰ্নিয়াৰ কেলিপাৰ, স্ক্ৰু গেজ আদিৰ দৰে অধ্যায় যোগ কৰা হৈছে যিবোৰ আগতে পদাৰ্থ বিজ্ঞানৰ প্ৰেকটিকেলত আছিল। এতিয়া সেইবোৰ থিয়’ৰিটিকেল পাঠ্যক্ৰমত অন্তৰ্ভুক্ত কৰা হৈছে।
ৰসায়ন বিজ্ঞানতো একেই কথা। এই বিষয়ত যোগ কৰা হৈছে ৰসায়ন বিজ্ঞানৰ প্ৰেকটিকেলৰ অন্তৰ্গত টাইট্ৰেচন, ছল্ট এনালাইছিছ আদি।
লগতে পঢ়কঃ অপ্ৰতিৰোধ্য হিটমেন! আন্তৰ্জতিক ক্ৰিকেটত আটাইতকৈ বেছি ছিক্সাৰ; বিশ্বকাপত সৰ্বাধিক শতক…
জীৱবিজ্ঞানত নতুন একো সংযোজন হোৱা নাই। বৰঞ্চ জীৱবিজ্ঞানৰ পৰা বেছিভাগ অধ্যায় বাদ দিয়া হৈছে। এনএমচিৰ বিষয়াসকলে যুক্তি দিছে যে যিবোৰ অধ্যায়ে চিকিৎসা বিজ্ঞান অধ্যয়নত কোনো ডাঙৰ সমস্যাৰ সৃষ্টি নকৰে, সেইবোৰ অধ্যায় বাচি বাচি বাদ দিয়া হৈছে।