ব্রিজ ভূষণৰ কুকৰ্মৰ ফল ভূগিলে ভাৰতে! ভাৰতীয় মল্লযুঁজ ফেডাৰেচনক নিলম্বন
অৱশেষত নিৰ্দেশনা অমান্য কৰি নিলম্বনৰ সন্মুখীন হ’ল ভাৰতীয় মল্লযুঁজ ফেডাৰেচন। নিৰ্ধাৰিত সময়ত নিৰ্বাচন অনুষ্ঠিত নকৰাৰ বাবে আজি ভাৰতীয় মল্লযুঁজ ফেডাৰেচনক নিলম্বন কৰিলে বিশ্ব মল্লযুঁজ সংস্থা ইউনাইটেড ৱৰ্ল্ড অৱ ৰেষ্ট্লিঙে।
গত মে’ মাহতে বিশ্ব মল্লযুঁজৰ্ শীৰ্ষ স্ংস্থাটোৱে ভাৰতীয় মল্লযুঁজ ফেডাৰেচনক নিৰ্বাচনৰ বাবে ৪৫ দিনৰ সময়্সীমা বান্ধি দি সকীয়নি প্ৰ্দান কৰিছিল। কিন্তু এই সময়্সীমা অতিক্ৰম কৰাৰ পিছতো নিৰ্বাচন অনুষ্ঠিত নকৰাত আজি ভাৰতীয় স্ংস্থাটোক নিলম্বন কৰা হয়।
যোৱা জুন মাহতে ফেডাৰেচনে নিৰ্বাচন অনুষ্ঠিত কৰাৰ কথা আছিল যদিও ফেডাৰেচনৰ সভাপতিৰ বিৰুদ্ধে যৌন নিৰ্যাতনৰ অভিযোগ উত্থাপন হোৱাৰ পাছতে বিতর্কৰ মাজত সোমাই পৰে ভাৰতীয় মল্লযুঁজ ফেডাৰেচন। সভাপতি ব্রিজ ভূষণ শৰণ সিঙৰ বিৰুদ্ধে একাংশ মল্লযুঁজাৰু ৰাজপথলৈ উলাই আহে।
এনে বিতৰ্কৰ মাজতে যোৱা জুন মাহত ফেডাৰেচনে নিৰ্বাচন অনুষ্ঠিত কৰাৰ কথা বিবেচনা কৰে যদিও প্ৰতিবাদী মল্লযুঁজাৰুসকলে উত্থাপন কৰা কিছু দাবীৰ ফলত এই সিদ্ধান্ত স্থগিত ৰখা হয়।
ইফালে ২৭ এপ্ৰিলত ইণ্ডিয়ান অলিম্পিক এছ’চিয়েচনে ভূপেন্দৰ সিং বাজৱাৰ নেতৃত্বত এক তদৰ্থ পেনেল নিযুক্তি দিছিল যদিও ৪৫ দিনৰ ভিতৰত নিৰ্বাচন অনুষ্ঠিত কৰাত বিফল হয়।
লক্ষনীয়্ভাৱে, মল্লযুঁজ ফেডাৰেচনৰ বিৰুদ্ধে ভাৰতীয় মল্লযুঁজাৰু্সকলৰ প্ৰ্তিবাদৰ ফলস্বৰূপে চলিত বৰ্ষৰ জানুৱাৰী আৰু তাৰ পাছত মে’ মাহতো নিলম্বনৰ সন্মুখীন হৈছিল ভাৰতীয় মল্লযুঁজ ফেডাৰেচন।
এতিয়া পুনৰ নিলম্বনৰ ফলত দেশৰ মল্লযুঁজাৰু্সকলে ভাৰতীয় পতাকা্ৰ অধীনত আগন্তুক প্ৰ্তিযোগিতাসমূহত অংশগ্ৰহণ কৰিব নোৱাৰিব।
ভাৰতীয় মল্লযুঁজাৰুসকলে এতিয়া ‘নিৰপেক্ষ খেলুৱৈ’ হিচাপেহে আগন্তুক প্ৰ্তিযোগিতাসমূহত প্ৰতিদ্বন্দ্বিতা কৰিব লাগিব।