বিজয়ৰ লক্ষ্যৰে আজি হায়দৰাবাদ এফ চিৰ বিৰুদ্ধে খেলপথাৰত নামিব হ’ব নৰ্থ-ইষ্ট য়ুনাইটেড

আই এছ এলৰ ষষ্ঠ সংস্কৰণৰ এখন খেলত নৰ্থ-ইষ্ট য়ুনাইটেডে বিজয়ৰ লক্ষ্যৰে আজি হায়দৰাবাদ এফ চিৰ মুখামুখি হ’ব।

হায়দৰাবাদৰ জি এম চি বালাযোগী এথলেটিকছ ষ্টেডিয়ামত অনুষ্ঠিত হ’বলগীয়া খেলখন দুয়োটা দলৰ বাবে লীগৰ চতুৰ্থ মেচ হ’ব।

সন্ধিয়া ৭.৩০ বজাৰ পৰা অনুষ্ঠিত হ’বলগীয়া খেলখনত প্ৰথমবাৰৰ বাবে নৰ্থ-ইষ্ট য়ুনাইটেড হায়দৰাবাদ এফ চিৰ মুখামুখি হ’ব।

উল্লেখযোগ্য যে, আই এছ এলৰ ষষ্ঠ সংস্কৰণত বৰ্তমানলৈ অপৰাজিত হৈ আছে নৰ্থ-ইষ্ট য়ুনাইটেড।

এতিয়ালৈ খেলা দুখন খেলৰ ভিতৰত এখনত জয় আৰু দুখন ড্ৰ খেলি নৰ্থ-ইষ্ট য়ুনাইটেড পইণ্ট তালিকাৰ চতুৰ্থ স্থানত আছে।

আনহাতে, বৰ্তমানলৈ খেলা তিনিখন খেলৰ ভিতৰত এখনত জয় আৰু দুখনত পৰাজয়ৰ সন্মুখিন হৈছে হায়দৰাবাদ এফ চি।

দলটোৱে ঘৰুৱা খেলপথাৰত শক্তিশালী কেৰালা ব্লাষ্টাৰ্ছ এফ চিক পৰাস্ত কৰি চমক সৃষ্টি কৰিছিল।

ভালেকেইগৰাকী খেলুৱৈ আঘাতৰ সমস্যাত ভূগী থকা বাবে হায়দৰাবাদৰ প্ৰশিক্ষক ফিল ব্ৰুনে কিছু চিন্তাত আছে যদিও দলটোৱে আক্ৰমণাত্মক খেল খেলিব বুলি তেওঁ কয়।

নৰ্থ-ইষ্ট য়ুনাইটেডৰ প্ৰশিক্ষক ৰবাৰ্ট জৰ্ণিয়ে হায়দৰাবাদ এফ চিৰ ব্ৰাজিলিয়ান ষ্ট্ৰাইকাৰ মাৰ্চেলিনহোৱে যিকোনো সময়তে আঘাত হানিব পৰা ক্ষমতা আছে বুলি উল্লেখ কৰি দলটোক সহজভাৱে ল’ব বিচৰা নায়।