নৰ্থইষ্ট নাওৰ বিশেষ অনুষ্ঠান ‘মতামত’: ড৹ হিমন্ত বিশ্ব শৰ্মা নেতৃত্বাধীন চৰকাৰৰ বৰ্ষপুতিৰ এক খতিয়ান

ড৹ হিমন্ত বিশ্ব শৰ্মা নেতৃত্বাধীন অসম চৰকাৰে মঙলবাৰে এটা বছৰ সম্পূৰ্ণ কৰে। কেন্দ্ৰীয় গৃহমন্ত্ৰী অমিত শ্বাহৰ উপস্থিতিত অসম চৰকাৰৰ উদ্যোগত জাক-জমকতাৰে উদযাপন কৰা হ’ল বৰ্ষপুতি অনুষ্ঠান।

বিভিন্ন প্ৰতিশ্ৰুতিৰ সমাহাৰেৰে ক্ষমতালৈ অহা হিমন্ত বিশ্ব শৰ্মা নেতৃত্বাধীন বিজেপি মিত্ৰজোঁটৰ চৰকাৰখন যোৱা এটা বছৰে কিমানখিনি সফল বা বিফল হ’ল, সেই বিষয়ে আলোচনাৰ থল আছে।

গতিকে অসম চৰকাৰৰ এই এবছৰীয়া কাৰ্যকালৰ এক চমু আলোকপাত নৰ্থইষ্ট নাওৰ বিশেষ অনুষ্ঠান ‘মতামত’ত তুলি ধৰা হয়।

বিশিষ্ট লেখক তথা অধিবক্তা কিশোৰ কুমাৰ কলিতাই আঁত ধৰা এই অনুষ্ঠানত অংশগ্ৰহণ কৰে আগশাৰীৰ কৃষক তথা বিশ্লেষক বনজিৎ হুছেইন আৰু লেখক তথা অধিবক্তা সুদীপ্ত নয়ন গোস্বামীয়ে।

অনুষ্ঠানত বিশ্লেষক বনজিৎ হুছেইনে অসমৰ গ্ৰামাঞ্চলৰ সাম্প্ৰতিক অৰ্থনৈতিক ব্যৱস্থাটোৰ বিষয়ে আলোকপাত কৰাৰ লগতে চৰকাৰে কৃষক তথা কৃষিখণ্ডৰ উন্নয়নৰ বাবে কাৰ্যকৰী ব্যৱস্থা কৰা বুলি দাঙি ধৰা দাবীৰ সন্দৰ্ভতো বিতং তথ্যভিত্তিক বক্তব্য আগবঢ়ায়।

আনহাতে চৰকাৰে অপৰাধীৰ বিৰুদ্ধে শূন্য সহনশীল নীতি গ্ৰহণ কৰা বুলি যি দাবী কৰি আহিছে, সেই দাবীৰ সত্যতাৰ বিষয়ে পুংখানুপুংখ বিশ্লেষণ আগবঢ়ায় অধিবক্তা সুদীপ্ত নয়ন গোস্বামীয়ে।

তদুপৰি চৰকাৰৰ বিভিন্ন কৰ্মসূচী তথা আঁচনিৰ কৃতকাৰ্যতা সম্পৰ্কে অনুষ্ঠান এক নিৰ্মোহ বিশ্লেষণ দাঙি ধৰা হয়।

সমগ্ৰ অনুষ্ঠানৰ ভিডিঅ’ লিংক এই প্ৰতিবেদনৰ সৈতে সংযোগ কৰা হৈছে। পাঠক সকলে এই ভিডিঅ’যোগে ‘মমতামতৰ এই মনোগ্ৰাহী অনুষ্ঠানটো দৰ্শন কৰিব পাৰে।