নীৰৱ আৰু মেহুলক নহয় : ইডি-এ সিহঁতৰ হীৰা-সোণৰ অলংকাৰসমূহকহে উভতাই আনিলে দেশলৈ
পঞ্জাৱ নেশ্যনেল বেংক জালিয়াতি কাণ্ডৰ দুই পলাতক প্ৰৱঞ্চক নীৰৱ মোদী আৰু মেহুল ছোক্সীৰ হীৰা আৰু সোণৰ গহনাবোৰ দেশৰ এনফ’ৰ্ছমেন্ট ডাইৰেক্টৰে দেশলৈ উভতাই আনিছে।
দুই প্ৰৱঞ্চকৰ হীৰা-মুকুতা সোণৰ গহনাসমূহৰ ওজন প্ৰায় ২,৩০০ কিলোগ্ৰাম আৰু ইয়াৰ আনুমানিক মূল্য প্ৰায় ১,৩০০ কোটি হ’ব বুলি জনাইছে ইডি-এ।
ইডিৰ সূত্ৰৰ মতে এই বিপুল পৰিমাণৰ গহনা তথা অলংকাৰখিনি হংকঙৰ পৰা মুম্বাইলৈ অনা হৈছে।
১০ট টা কাৰ্টুনত ভৰাই অনা এই অংলকাৰখিনিৰ মাজৰ ৩২ টা নীৰৱ মোদীৰ আৰু ৭৬ টা কাৰ্টুন নীৰৱৰ মোমায়েক মেহুল ছোক্সীৰ বুলি জনাইছে ইডি-এ।
উল্লেখ্য যে, ২০১৮ চনত ১৩,০০০ কোটি টকা পঞ্চাৱ নেশ্যনেল বেংকৰ ঋণ জালিয়াতিৰ কথা ধৰা পৰাৰ পূৰ্বেই নীৰৱ মোদী আৰু মেহুল ছোক্সীয়ে দেশ এৰি পলায়ন কৰিছিল।
দেশ এৰি পলায়ন কৰাৰ পূৰ্বে এই বৃহত পৰিমাণৰ অলংকাৰখিনি এখন জাহাজেৰে হংকংঙলৈ প্ৰেৰণ কৰিছি দুই প্ৰৱঞ্চকে।
হংকঙৰ পৰা অলংকৰাখিনি ডুবাইলৈ প্ৰেৰণ কৰাৰ কথা আছিল যদিও ইডি-এ অলংকাৰখিনি দেশলৈ উভতাই আনিবলৈ আইনী প্ৰক্ৰিয়াৰে তৎপৰ হয়।
ভাৰতৰ আদালতৰ ৰায়, ইন্টাৰপ’লৰ ন’টিছসহ তথ্য প্ৰমাণ আদি হংকং বিচাৰালয়ত দাখিল কৰাৰ পিছত অলংকাৰখিনিৰ উৎস ভাৰত বুলি নিশ্চিত হয় হংকং কৰ্তৃপক্ষ।
ইয়াৰ পিছতেই ইডি-এ অলংকাৰখিনি নিজৰ জিম্মালৈ আনে।
অন্যহাতে দুই প্ৰৱঞ্চকৰ নীৰৱ মোদীক বিগত বৰ্ষত লণ্ডত গ্ৰেপ্তাৰ কৰিলেও বৰ্তমানেও ভাৰতলৈ প্ৰত্যাপৰ্ণ কৰাৰ সম্ভৱ হৈ উঠা নাই।
অন্যজন প্ৰৱঞ্চক মেহুল ছোক্সী বৰ্তমান কেৰেবিয়ান দীপপুঞ্জত আত্মগোপন কৰি আছে বুলি অনুমান কৰিছে ভাৰতীয় তদন্তকাৰী সংস্থাই।