আৱাসগৃহ খালী কৰাৰ নিৰ্দেশ; দিশহাৰা ৩ বছৰ ধৰি দৰমহাৰ পৰা বঞ্চিত কাগজ কলৰ কৰ্মচাৰী
নতুন বছৰৰ প্ৰাক মুহূৰ্তত জাগীৰোড আৰু কাছাৰ কাগজ কলৰ কৰ্মচাৰীৰ কৰ্মচাৰীসকললৈ নামি আহিছে এক ঘোৰ অমানিশা তথা অন্ধকাৰ। নিৰ্দেশ দিয়া হৈছে কাগজ দল দুটাৰ কৰ্মচাৰীসকলক ৩১ জানুৱাৰীৰ ভিতৰত আৱাসগৃহ খালী কৰিবলৈ।
যোৱা ২৩ ডিচেম্বৰত কাগজ কল দুটাৰ কৰ্মচাৰীসকললৈ এই বিষয়ত এখন জাননী জাৰি কৰে। জাননীখনত উল্লেখ কৰা হয় যে কাগজ কল দুটা সম্পূৰ্ণৰূপে বন্ধ কৰি সা-সামগ্ৰীসমূহ বিক্ৰী কৰাৰ বাবে লোৱা সিদ্ধান্তৰ পৰিপ্ৰেক্ষিতত বিষয়া-কৰ্মচাৰীসকলক থকা আৱাসসমূহ অতি শীঘ্ৰে খালী কৰিব লাগে।
ফলত সম্প্ৰতি বন্ধ হৈ থকা কাগজ দুটাৰ কৰ্মচাৰীসকলৰ জীৱনলৈ নামি আহিছে দুৰ্যোগ। কৰ্মচাৰীসকলে প্ৰায় তিনি বছৰ ধৰি পোৱা নাই দৰমহা। দীৰ্ঘসময় ধৰি নিজৰ প্ৰাপ্য দৰমহা কেইটা মুকলি কৰাৰ দাবীত বহুবাৰ আন্দোলন কৰিও কৰ্মচাৰীসকলে কোনো সুফল নাপালে।
নিৰ্বাচনৰ সময়ত সোণোৱাল চৰকাৰে কাগজ কল দুটা পুনৰুজ্জীৱিত কৰাৰ প্ৰতিশ্ৰুতি দিছিল। কিন্তু সোণোৱাল চৰকাৰে কৰ্মচাৰীসকলৰ থকা আৱাসগৃহটোও নাইকীয়া কৰিব খুজিছে।
জাতি মাটি ভেটিৰ ৰক্ষাৰ সংকল্পৰে শাসনত অধিষ্ঠিত হোৱা সোণোৱাল চৰকাৰৰ ওপৰত আস্থা হেৰুৱাই এগৰাকী কৰ্মচাৰীয়ে কৈছে, ‘অন্য ৰাজ্যত থকা হ’লে হয়তো আমাৰ লগত এই গতি নহ’ল হেতেন।’
You may also like
মেঘালয় বিধানসভাৰ অধিৱেশনৰ দ্বিতীয় দিনা মূল্য বৃদ্ধিৰ প্ৰসংগ উত্থাপন কৰিব বিৰোধীয়ে
মেঘালয় বিধানসভাৰ তিনিদিনীয়া অধিৱেশনৰ আজি দ্বিতীয় দিনটোত বিৰোধী পক্ষই মূল্যবৃদ্ধিৰ প্ৰসংগ উত্থাপন কৰাৰ বাবে প্ৰস্তুত হৈছে। পশ্চিম ছিলং বিধানসভা সমষ্টিৰ বিৰোধী দলৰ…
দুটা বলত চাৰিটা ছয়, ৮টা বলত ২৭ ৰানৰ বিস্ফোৰক ইনিংছ জোফ্ৰা আৰ্চাৰৰ
চেন্নাই ছুপাৰ কিংছ আৰু ৰাজস্থান ৰয়েলছ দলৰ মাজত অনুষ্ঠিত হোৱা আই পি এলৰ চতুৰ্থখন মেচত এটা অদ্ভুত ঘটনা ঘটে য’ত দুটা বলত…
বেটী বাচাও, বেটী পঢ়াও শ্ল’গান দিয়া বিজেপিৰ নেতাৰ হাতত সুৰক্ষিত নহয় দেশৰ মহিলা : হৰিশ ৰাৱট
‘প্ৰধান মন্ত্ৰী নৰেন্দ্ৰ মোডীয়ে দেশবাসীক দিয়া প্ৰতিশ্ৰুতি পালনত সম্পূৰ্ণ ৰূপে ব্যৰ্থ হৈছে। কংগ্ৰেছে ৬০ বছৰ দেশ শাসন কৰি কোনো উন্নয়ন নকৰা বুলি…
মানৱ কল্যাণ বহুমুখী সমবায় সমিতিয়ে হোজাইত মুকলি কৰিলে ইয়াৰ অন্নপূৰ্ণাৰ প্ৰথমটো গোট
সহকাৰ ভাৰতীৰ সহযোগত মানৱ কল্যাণ বহুমুখী সমবায় সমিতিয়ে দেওবাৰে হোজাইৰ লালপট্টি এনএছচিবি ৰোডত তেওঁলোকৰ অন্নপূৰ্ণাৰ প্ৰথমটো গেলামালৰ গোট মুকলি কৰে। মুকলি অনুষ্ঠানত…