স্বচ্ছতা পাখৱাড়াৰ সৈতে সংগতি ৰাখি এনটিপিচি বঙাইগাঁৱত হাস্য কবি সন্মিলনৰ আয়োজন

বঙাইগাঁৱৰ সম্প্ৰতি এনটিপিচিত ‘স্বচ্ছতা পাখৱাড়া’ উদ্‌যাপন হৈ আছে। এই উদ্‌যাপনৰ সৈতে সংগতি ৰাখি এখন হাস্য কবি সন্মিলনৰ আয়োজন কৰা হৈছে।এনটিপিচিৰ মুখ্য মহাপ্ৰৱন্ধক দীপাংকৰ বোসে এই অনুষ্ঠানত মুখ্য অতিথি হিচাপে উপস্থিত থাকি অনুষ্ঠানৰ শোভাবৰ্ধন কৰিছিল। মুখ্য অতিথি বোসে বন্তি প্ৰজ্জলন কৰি হাস্য কবি সন্মিলনৰ উদ্বোধনী কৰে।এনটিপিচিৰ মহাপ্ৰৱন্ধক (প্ৰকল্প) মুৰুকাদাস, মহাপ্ৰৱন্ধক (অ’ এণ্ড এম) ৰাকেশ কুমাৰ, চিআইএছএফৰ সহকাৰী কামাণ্ডেণ্ট পি বালাকৃষ্ণ, বাৰদৈ ছিখলা লেডিজ ক্লাবৰ জ্যেষ্ঠ সদস্যাসকল সহ সভানেত্ৰী শ্ৰীমতী কেয়া বোস অনুষ্ঠানত উপস্থিত আছিল।

হাস্য কবি সন্মিলনৰ কাৰ্যসূচী আৰম্ভ হয় মুজাফৰপুৰৰ কবি পংকজ কৰ্ণৰ কবিতাৰে। অনুষ্ঠানত পংকজ কৰ্ণৰ উপৰিও মুম্বাইৰ চেতন চৰ্চিত, লক্ষ্ণৌৰ মানসী দ্বিৱেদী, উদয়পুৰৰ অজাতশত্ৰু, মুজাফৰপুৰৰ ড০ কুমাৰ ভিৰাল আদি কবিসকলে অংশগ্ৰহণ কৰে।

উপস্থিত শ্ৰোতাই এই হাস্য কবি সন্মিলনখনৰ ভূয়সী প্ৰশংসা কৰে।