পথ দুৰ্ঘটনাক কেন্দ্ৰ কৰি উত্তপ্ত শুৱালকুছি; থিতাতে নিহত ট্ৰাকে মহতিয়াই নিয়া বাইক আৰোহীৰ
ফটো: নৰ্থইষ্ট নাও।
শুৱালকুছিৰ ৰাজগড়ত সংঘটিত হৈছে এক ভয়াবহ পথ দুৰ্ঘটনা।
ট্ৰাকে মহতিয়াই নিলে এজন বাইক আৰোহীক। ঘটনাত থিতাতে নিহত হয় বাইক আৰোহীজন।
ৰাইজৰ অভিযোগ অনুসৰি সুৰামত্ত অৱস্থাত আছিল ট্ৰাক চালক জন।
দিন দুপৰতে সুৰাপন কৰি গাড়ী চলোৱাৰ ফলতেই এই পথ দুৰ্ঘটনা সংঘটিত হোৱাৰ অভিযোগ উঠিছে।
দুৰ্ঘটনাত নিহত মটৰচাইকেল আৰোহীজন হৈছে শুৱালকুছিৰ প্ৰবীণ দাস।
দুৰ্ঘটনা সংঘটিত হোৱাৰ পাছত একাংশ লোকে দুৰ্ঘটনা সংঘটিত কৰা ট্ৰাক খন ভাঙি ক্ষতি সাধন কৰে।
AS 25- 3883 নম্বৰৰ ট্ৰাক খনে গুৱাহাটী দিশৰ পৰা আহি পিছফালৰ পৰা বাইক আৰোহী গৰাকীক মহতিয়াই নিয়াৰ ফলতে সংঘটিত হয় এই মৰ্মান্তিক পথ দুৰ্ঘটনাটো।
শুৱালকুছিৰ ৰাজগড়ৰ ৰাজপথত তেজৰ ডোঙা দেখি উপস্থিত ৰাইজ শোকত বিচলিত হৈ পৰে।