নগাঁৱত চৰকাৰী চিকিৎসালয়ৰ পৰা সন্ধানহীন ৰোগী
নগাঁও ভোগেশ্বৰী ফুকননী অসামৰিক চিকিৎসালয়ত চিকিৎসাধীন হৈ থকা পুহিৰাম শইকীয়া নামৰ ৰোগীজন আজি পুৱা চিকিৎসালয়খনৰ পৰাই সন্ধানহীন হৈ পৰাত পৰিয়ালৰ লোক উদ্বিগ্ন হৈ পৰিছে।
উল্লেখযোগ্য যে নগাঁও চহৰৰ সমীপৱৰ্তী কঢ়ালীগাঁৱৰ ৭৫ বছৰীয়া শইকীয়াক চিকিৎসালয়খনত যোৱা ১২ ডিচেম্বৰত চিকিৎসাধীন কৰোৱা হৈছিল। আজি তেওঁক চিকিৎসকে চিকিৎসালয়ৰ পৰা ৰিলিজ দিয়ে যদিও সেইটো সময়তে তেওঁ চিকিৎসাধীন হৈ থকা থকা মেডিচিন ৱাৰ্ড-১ ৰ পুৱা প্ৰায় ১০.৩০ বজাৰ পৰা সন্ধানহীন হয়।
ইফালে পৰিয়ালৰ লোকে সন্ধিয়া পৰ্যন্ত ৰোগগ্ৰস্ত বৃদ্ধগৰাকীক বিচাৰি চলাথ কৰিছে যদিও কোনো সন্ধান উলিয়াব নোৱৰাত উদ্বিগ্ন হৈ পৰিছে পৰিছে।
ইতিমধ্যে ঘটনা সন্দৰ্ভত পৰিয়ালৰ লোকে আৰক্ষীক অৱগত কৰিছে। ব্যক্তিগৰাকীৰ কোনো কোনো সন্ধান পালে পৰিয়ালৰ লোক ৮৬৩৮০ ৭৯১২৩ নম্বৰত যোগাযোগ কৰিবলৈ আহ্বান জনাইছে।