নিয়ন্ত্ৰণহীন ষাঁড়ৰ সন্ত্ৰাস! কণমানি কন্যাক আক্ৰমণ,আহত ১২জন

লক্ষ্ণৌৰ ৰাকাবগঞ্জ অঞ্চলত এটা নিয়ন্ত্ৰণহীন ষাঁড়ে বহু লোকক আক্ৰমণ কৰাৰ ফলত প্ৰায় ১২ জন লোক আহত হয়।

চিচিটিভি কেমেৰাৰ ফুটেজটোত দেখা গৈছে যে ক’লা ষাঁড় এটাই ছোৱালী এজনীক খেদি ফুৰিছে, শিংৰে তাইক পেলাই দিছে আৰু ভৰিৰে মোহাৰিছে। তাইক বচাবলৈ চেষ্টা কৰা এজন ল’ৰাকো ষাঁড়টোৱে আক্ৰমণ কৰি নলাত পেলাই দিয়ে যদিও কোনোমতে পলায়ন কৰে। এই আক্ৰমণৰ পাছত পথচাৰীৰ মাজত আতংকৰ সৃষ্টি হয়।

স্থানীয় লোকে তৎক্ষণাত পৌৰ নিগমক খবৰ দিয়ে, যাৰ ফলত গৰুটোক ধৰা হয়। পশু কল্যাণ বিষয়াই নিশ্চিত কৰে যে উগ্ৰ ষাঁড়টোক কানহা উপভান আশ্ৰয় শিবিৰলৈ প্ৰেৰণ কৰা হয়।

সমাজবাদী পাৰ্টিৰ মুৰব্বী অখিলেশ যাদৱে টুইটাৰযোগে চৰকাৰক সমালোচনা কৰি ৰাজধানীত বিপথগামী জীৱ-জন্তু পৰিচালনাৰ প্ৰচেষ্টাৰ অকাৰ্যকৰীতাক আঙুলিয়াই দিয়ে।