১৫ ডিচেম্বৰৰ ভিতৰত পঞ্চায়ত নিৰ্বাচন; অচিৰেই অধিসূচনা জাৰিৰ সম্ভাৱনা
অহা ১৫ ডিচেম্বৰৰ ভিতৰত অনুষ্ঠিত হ’ব পঞ্চায়ত নিৰ্বাচন। এই কথা জানিবলৈ দিছে অসমৰ মুখ্য নিৰ্বাচনী বিষয়াৰ কাৰ্য্যালয়ৰ এটা সূত্ৰই।
সূত্ৰটোৱে জনোৱা মতে, পঞ্চায়ত নিৰ্বাচনৰ বাবে নৱেম্বৰ মাহৰ প্ৰথম সপ্তাহত অধিসূচনা জাৰি কৰাৰ সম্ভাৱনা আছে।
পঞ্চায়ত নিৰ্বাচনৰ বিষয়ে আলোচনা কৰিবলৈ আজি অসম নিৰ্বাচন আয়োগৰ কাৰ্যালয়ত এখন গুৰুত্বপূৰ্ণ বৈঠক অনুষ্ঠিত হয়। বিভিন্ন বিভাগৰ শীৰ্ষ বিষয়াসকল আৰু ৰাজ্যিক নিৰ্বাচন আয়ুক্ত এইচ্ছ এন বৰাৰ মাজত এই বৈঠক অনুষ্ঠিত হয়।
উল্লেখযোগ্য যে চৰকাৰে কেইবাবাৰো সময় লৈ পঞ্চায়ত নিৰ্বাচন পিছুৱাই থকাৰ অন্তত যোৱা ৯ অক্টোবৰত গুৱাহাটী উচ্চ ন্যায়ালয়ে অহা ১৫ জানুৱাৰিৰ ভিতৰত নিৰ্বাচন পাতিবলৈ ৰাজ্য চৰকাৰক কঢ়া নিৰ্দেশ দিছিল।
প্ৰসংগ ক্ৰমে ক’ব পাৰি যে যোৱা ১৯ ফেব্ৰুৱাৰিতে বৰ্তমানৰ পঞ্চায়ত প্ৰতিনিধিসকলৰ কাৰ্য্যকাল অন্ত পৰিছে যদিও তেওঁলোকেই এই পৰ্য্যন্ত কাম চলাই নিছে।