পৱন খেৰাৰ আগতীয়া জামিনৰ নিৰ্দেশত উচ্চতম ন্যায়ালয়ৰ স্থগিতাদেশ

কংগ্ৰেছৰ জ্যেষ্ঠ নেতা পৱন খেৰাৰ আইনী বিপদ পুনৰ বৃদ্ধি পাইছে। তেলেংগানা উচ্চ ন্যায়ালয়ে খেৰাক প্ৰদান কৰা আগতীয়া জামিনৰ নিৰ্দেশৰ ওপৰত ভাৰতৰ উচ্চতম ন্যায়ালয়ে স্থগিতাদেশ জাৰি কৰিছে। উচ্চতম ন্যায়ালয়ৰ এই পদক্ষেপে বিৰোধী দলৰ নেতাজনক সাময়িকভাৱে দিয়া আইনী সকাহ নস্যাৎ কৰিছে।

প্ৰাপ্ত তথ্য অনুসৰি, কংগ্ৰেছ নেতাগৰাকীৰ বিৰুদ্ধে ৰুজু হোৱা গোচৰৰ ভিত্তিত গ্ৰেপ্তাৰৰ আশংকা কৰি তেওঁ তেলেংগানা উচ্চ ন্যায়ালয়ৰ কাষ চাপিছিল। উচ্চ ন্যায়ালয়ে তেওঁৰ আবেদনৰ শুনানি গ্ৰহণ কৰি তেওঁক অগ্ৰিম জামিন প্ৰদান কৰিছিল, যাতে তেওঁ আন ৰাজ্যৰ সংশ্লিষ্ট আদালতৰ কাষ চাপিবলৈ উপযুক্ত সময় লাভ কৰিব পাৰে। কিন্তু এই নিৰ্দেশক প্ৰত্যাহ্বান জনাই উচ্চতম ন্যায়ালয়ত আবেদন দাখিল কৰা হৈছিল। উচ্চতম ন্যায়ালয়ৰ বিচাৰপীঠে তেলেংগানা উচ্চ ন্যায়ালয়ৰ উক্ত জামিনৰ নিৰ্দেশটো সাময়িকভাৱে স্থগিত ৰখাৰ সিদ্ধান্ত গ্ৰহণ কৰে। উচ্চতম ন্যায়ালয়ৰ এই নিৰ্দেশৰ লগে লগে পৱন খেৰাক গ্ৰেপ্তাৰ কৰাৰ পথ পুনৰ মুকলি হোৱাৰ সম্ভাৱনা প্ৰকট হৈ পৰিছে।

আইনী বিশেষজ্ঞসকলৰ মতে, আগতীয়া জামিনে এজন ব্যক্তিক এখন ৰাজ্যৰ পৰা আন এখন ৰাজ্যলৈ গৈ আইনী প্ৰক্ৰিয়াৰ সন্মুখীন হোৱাৰ সময়ছোৱাত গ্ৰেপ্তাৰৰ পৰা সুৰক্ষা প্ৰদান কৰে। এতিয়া উচ্চতম ন্যায়ালয়ৰ স্থগিতাদেশৰ ফলত কংগ্ৰেছ নেতাগৰাকীয়ে পৰৱৰ্তী আইনী পদক্ষেপ গ্ৰহণ নকৰা পৰ্যন্ত আৰক্ষীৰ কাৰ্যব্যৱস্থাৰ সন্মুখীন হ’বলগীয়া হ’ব পাৰে। পৰৱৰ্তী শুনানিত উচ্চতম ন্যায়ালয়ে এই সন্দৰ্ভত চূড়ান্ত সিদ্ধান্ত গ্ৰহণ কৰিব।