খাদ্যৰ বাচনত প্ৰস্ৰাৱ! ৪ হাজাৰ গ্ৰাহকক ক্ষতিপূৰণ দিব লাগিব চীনা ৰেস্তোঁৰাই

চীনৰ চাংহাইৰ এখন ৰেস্তোঁৰাত সংঘটিত হৈছে ভয়ংকৰ ঘটনা। চীনৰ উক্ত ৰেস্তোঁৰাখনত গ্ৰাহকক খাবলৈ দিয়া খাদ্যত কৰ্মচাৰীয়ে প্ৰস্ৰাৱ কৰাৰ অভিযোগ উত্থাপন হৈছে। এই কাণ্ডৰ বাবে এতিয়া ৪ হাজাৰতকৈও অধিক গ্ৰাহকক ক্ষতিপূৰণ দিয়াৰ নিৰ্দেশ লাভ কৰিছে ৰেস্তোঁৰাখনে।

যোৱা মাহৰ শেষৰ ফালে এটা ভিডিঅ’ ভাইৰেল হৈছিল। য’ত দেখা গৈছিল যে ৰেস্তোঁৰাৰ এটা ব্যক্তিগত কোঠাত খাদ্য গ্ৰহণ কৰি থকা অৱস্থাত দুজন লোকে খাদ্যৰ জোলত প্ৰস্ৰাৱ কৰিছে।

বুধবাৰে এক বিবৃতিত ৰেস্তোঁৰাখনে কয় যে যদিও এই ঘটনাটো ২৪ ফেব্ৰুৱাৰীত সংঘটিত হৈছিল, তথাপিও তেওঁলোকে এই বিষয়ে জানিব পাৰিছিল চাৰিদিন পিছতহে।

প্ৰথম অৱস্থাত সময় আৰু স্থান চিনাক্ত কৰা সম্ভৱ নাছিল। তদন্তৰ অন্তত ৬ মাৰ্চত নিশ্চিত কৰা হয় যে এইটো কেন্দ্ৰীয় চাংহাইৰ উক্তৰ ৰেস্তোঁৰাখনত সংঘটিত হৈছে।

এক বিবৃতিত ৰেস্তোঁৰাখনে কয় যে এই কাণ্ডত গ্ৰাহকৰ আৱেগিক ক্ষতিৰ ক্ষতিপূৰণ ধনেৰে দিব নোৱাৰি। অৱশ্যে আমি আমাৰ সৰ্বোচ্চ দায়িত্ব পালন কৰিবলৈ চেষ্টা কৰিম।’

অৱশ্যে ক্ষতিপূৰণৰ পৰিমাণ সন্দৰ্ভত কোনো নিৰ্দিষ্ট তথ্য দিয়া হোৱা নাই।

এই ঘটনা সন্দৰ্ভত চীনৰ ছিচুয়ান প্ৰদেশৰ ছিয়ায়াং আৰক্ষী আৰু অন্যান্য সংশ্লিষ্ট কৰ্তৃপক্ষই তদন্ত অব্যাহত ৰাখিছে।ছাংহাই আৰক্ষীয়ে জনোৱা মতে, অভিযুক্ত দুজনৰ বয়স ১৭ বছৰ আৰু তেওঁলোকক আটক কৰি ৰখা হৈছে। ইতিমধ্যে ৰেস্তোঁৰাখনে তেওঁলোকৰ বিৰুদ্ধে গোচৰ ৰুজু কৰিছে।