দুদিনীয়া ভ্ৰমণসূচীৰে ভূটানত উপস্থিত প্ৰধানমন্ত্ৰী মোদী

দুদিনীয়া ভ্ৰমণসূচীৰে মঙলবাৰে  ভূটানত উপস্থিত হয় প্ৰধানমন্ত্ৰী নৰেন্দ্ৰ মোদী। পাৰো বিমানবন্দৰত ভূটানৰ প্ৰধানমন্ত্ৰী শ্বেৰিং টবগেয়ে তেওঁক উষ্ম আদৰণি জনায়।

এই ভ্ৰমণ কালত প্ৰধানমন্ত্ৰী মোদীয়ে ভূটানৰ বৰ্তমানৰ ৰজা জিগমে খেছাৰ নামগ্যাল ৱাংচুক আৰু প্ৰধানমন্ত্ৰী শ্বেৰিং টবগেৰ সৈতে সাক্ষাৎ কৰিব।

মোদীয়ে ভাৰত আৰু ভূটানে যৌথভাৱে নিৰ্মাণ কৰা ১০২০ মেগাৱাট শক্তিৰ পুনাটছাংচু-২ জলবিদ্যুৎ প্ৰকল্প মুকলি কৰিব।

ইয়াৰ উপৰি মোদীয়ে ভূটানৰ চতুৰ্থ ৰজাৰ ৭০ সংখ্যক জন্মদিনৰ অনুষ্ঠানতো অংশগ্ৰহণ কৰিব।

যাত্ৰাৰ পূৰ্বে মোদীয়ে দৃঢ়তাৰে কয়, “মই নিশ্চিত যে এই ভ্ৰমণে আমাৰ বন্ধুত্বক অধিক শক্তিশালী কৰি তুলিব আৰু দুয়োখন দেশৰ সমৃদ্ধিত সহায় কৰিব।”

‘চুবুৰী প্ৰথম’ নীতিৰ অংশ

প্ৰধানমন্ত্ৰী মোদীয়ে ভাৰত আৰু ভূটানৰ মাজৰ সম্পৰ্কক ঘনিষ্ঠ বন্ধুত্ব, বিশ্বাস আৰু দলীয় কাম-কাজৰ আধাৰত গঢ়ি উঠা বুলি অভিহিত কৰে। তেওঁ ইয়াক ভাৰতৰ “চুবুৰী প্ৰথম” (Neighbourhood First) নীতিৰ এক ডাঙৰ অংশ বুলি উল্লেখ কৰে।

‘এক্স’ যোগে তেওঁ প্ৰকাশ কৰিছে যে এই ভ্ৰমণে দুয়োখন দেশৰ মাজৰ সম্পৰ্ক সৌহাদ্যপূৰ্ণ কৰি তুলিব। ভাৰতৰ বৈদেশিক মন্ত্ৰালয়েও এই ভ্ৰমণৰ দ্বাৰা দুইখন দেশৰ মাজত সহযোগিতা আৰু অধিক বৃদ্ধি কৰা বুলি স্পষ্ট কৰিছে।