কালান্তক ক’ৰ’ণা: দেশত এদিনতে আক্ৰান্ত ১ লাখ ১৫ হাজাৰৰো অধিক লোক, উদ্বিগ্ন প্ৰধানমন্ত্ৰীয়ে আহ্বান কৰিলে বৈঠক

ক’ৰ’ণা ভািইৰাছৰ দ্বিতীয়টো ঢৌৱে এতিয়া সমগ্ৰ দেশতে এক ভয়াৱহ পৰিস্থিতিৰ সৃষ্টি কৰিছে।

দেশৰ বহু কেইখন ৰাজ্যত এতিয়া ক’ৰ’ণাৰ প্ৰথম সংক্ৰমণৰ সময়ত যেনে পৰিস্থিতিৰ সৃষ্টি হৈছিল, ঠিক একে পৰিস্থিতিৰে যেন পুনৰাবৃত্তি ঘটিছে।

দেশত বিগত ২৪ ঘণ্টত মাৰাত্মক ক’ৰ’ণা আইৰাছত আক্ৰান্ত হৈছে ১ লাখ ১৫ হাজাৰৰো অধিক লোক।

ক’ৰ’ণাই এতিয়া পুনৰ ৰুদ্ৰৰ মূতি ধৰি ৰাজ্যই ৰাজ্যই সংহাৰ চলাই গৈছে।

মাত্ৰ ২৪ ঘণ্টাৰ ভিতৰতে দেশত মাৰাত্ম ভাইৰাছ বিধত আক্ৰান্ত হৈছে ১ লাখ ১৫ হাজাৰ ৭৩৬ গৰাকী লোক।

এই গতি অব্যাহত থাকিলে দেশত পৰিস্থিতি অধিক ভয়াৱহ হৈ পৰাৰ আশংকা কৰা হৈছে।

সমগ্ৰ ভাৰতত কোভিড আক্ৰান্ত ৰোগীৰ সংখ্যা হৈছেগৈ ১ কোটি ২৮ লাখ ৭৮৫ গৰাকী ।

এওঁলোকৰ মাজৰে সুস্থ হৈ উঠা লোকৰ সংখ্যা হৈছে ১ কোটি ১৬ লাখ ৮২ হাজাৰ ১৩৬ গৰাকী।

দেশত বৰ্তমান ক’ৰ’ণাত আক্ৰান্ত হৈ চিকিৎসাধীন হৈ থকা লোকৰ সংখ্যা হৈছে ৭ লাখ ৪১ হাজাৰ ৮৩০ গৰাকী।

২৪ ঘণ্টাত কোভিডত আক্ৰান্ত হৈ মৃত্যুক সাৱটি লৈছে ৬৩০ গৰাকী লোকে।

সমগ্ৰ দেশতে কাল ক’ৰ’ণাই প্ৰাণ কাঢ়ি নিয়া মুঠ লোকৰ সংখ্যা হৈছেগৈ ১ লাখ ৬৬ হাজাৰ ১৭৭

গৰাকী।

এইবাৰো ক’ৰ’ণাৰ সংক্ৰমণৰ ক্ষেত্ৰত প্ৰথম স্থানত আছে মহাৰাষ্ট্ৰ।

ৰাজ্য খনত জাৰি কৰা হৈছে নাইট কাৰ্ফিউ।বিহাৰত ১০ এপ্ৰিল পৰ্যন্ত বন্ধ কৰি দিয়া হৈছে সকলো বিদ্যালয়।

দিল্লীত ঘোষণা কৰা হৈছে নৈশ সান্ধ্য আইন।

দেশৰ ১৩৩ কোটি জনতাৰ ভিতৰত মাত্ৰ ৭ কোটি ৯১ লাখ ৫ হাজাৰ ১৬৩ গৰাকী লোককহে এতিয়ালৈকে কোভিডৰ ভেকচিন প্ৰদান কৰিব পৰা হৈছে।

ইপিনে প্ৰধানমন্ত্ৰী নৰেন্দ্ৰ মোদীয়ে ক’ৰ’ণা পৰিস্থিতি সন্দৰ্ভত কাইলৈ দেশৰ সকলো ৰাজ্যৰ মুখ্যমন্ত্ৰীসকলৰ সৈতে আলোচনা কৰিব বুলি।

উক্ত বৈঠকতে ৰাজ্য ভেদে লকডাউন সম্পৰ্কীয় আলোচনাও হ’ব বুলি ধাৰণা কৰা হৈছে।