চাৰি লাইনযুক্ত ৰাষ্ট্ৰীয় ঘাইপথ সম্প্ৰসাৰণৰ নির্মাণকাৰ্যৰ সামগ্ৰী চুৰি কৰি গ্ৰেপ্তাৰ ৫ জন

পাঁচ মাহৰ পৰিতোষিক নাপাই উপায়ন্তৰ হৈ কৰ্মচাৰী নামিল চুৰি কাৰ্য্যত। এই ঘটনা সংঘটিত হ’ল যোৰহাটৰ পৰা জাঁজী লৈ চলি থকা ৰাষ্ট্ৰীয় ঘাইপথ সম্প্ৰসাৰণ কোম্পানীৰ চা কেম্পত।

চাৰিলাইন যুক্ত ৰাষ্ট্ৰীয় ঘাইপথ সম্প্ৰসাৰণৰ অস্থায়ী কেম্পত পথ নিৰ্মাণৰ সামগ্ৰী চুৰি কৰি লাহদৈগড় আৰক্ষীৰ জালত পৰিল কেম্পৰে নিৰাপত্তাৰ দায়িত্বত থকা  যুৱক।

আটকাধীন যুৱক কেইজন হ’ল ৰমেন কলিতা, অঞ্জন বৰা, জ্ঞানদ্বীপ হাতীবৰুৱা, সুদীপ্ত বৰুৱা।

আটকাধীন  যুৱককেইজনে AS04K 4501 নম্বৰৰ হিৰ’ হোণ্ডা আৰু AS03A D1760 নম্বৰৰ পালচাৰ বাইকেৰে বহু পৰিমাণৰ নিৰ্মাণ কাৰ্য্যত ব্যৱহাৰ হোৱা লোৰ সামগ্ৰী চুৰি কৰি আনোতে তহলৰ দায়িত্বত নিয়োজিত লাহদৈগড় আৰক্ষীৰ এটা দলে আৰক্ষী চকীৰ নিচেই কাষৰে পৰা কৰায়ত্ত কৰে।

ইয়াৰ লগতে চুৰি কৰা লোৰ সামগ্ৰীসমূহ বিক্ৰী কৰা কাকজান মাজগাঁৱৰ এটা ডেম্পৰ গৰাকী আব্দুল কাদিৰৰ পুত্ৰ নেকিবুৰ ৰহমানক আটক কৰি আটাইকে ন্যায়িক জিম্মালৈ প্ৰেৰণ কৰে।