পত্নীলৈ দিহা : স্বামীয়ে ৰোমাঞ্চৰ প্ৰতি আগ্ৰহ হেৰুওৱাই পেলাই কিয়? জানিবলৈ চাওক….

বিবাহিত জীৱনত সুখ আৰু শান্তি বজাই ৰাখিবলৈ স্বামী-স্ত্ৰীৰ হৃদয়ৰ একাত্ম হোৱাতো অতি প্ৰয়োজনীয়। হৃদয়েৰে একাত্ম হ’লেহে দুয়োৱে ৰোমান্টিক মুহূৰ্তসমূহ উপভোগ কৰিবলৈ সক্ষম হয়!  

কিন্তু অফিচৰ কামৰ হেঁচা, মানসিক চাপ, পাৰিবাৰিক ব্যস্ততাৰ আদি কাৰণত বহু দম্পতীয়ে নিজৰ বাবে সময় উলিয়াব নোৱাৰে। ফলত দম্পতীৰ মাজত সম্পৰ্কৰ অৱনতি ঘটা দেখা যায়।

বহু মহিলাই অভিযোগ কৰে যে তেওঁলোকৰ স্বামীৰ ৰোমাঞ্চ বা শাৰীৰিক অন্তৰংগতাৰ প্ৰতি আগ্ৰহ হেৰুওৱাই পেলায়! বিভিন্ন ধৰণে চেষ্টা কৰিও তেওঁলোকে স্বামীৰ আগ্ৰহ ওভতাই আনিব নোৱাৰে। কিয় এনেকুৱা হয় বহুতে বুজিবলৈ সক্ষম নহয়। যাৰ ফলত দুয়োৰে মাজত বিবাদৰ উৎপত্তি হয়।

আজিৰ লেখাটোত তেনে সমস্যাত ভুগি থকা দম্পতীৰ বিষয়ে আলোচনা কৰিবলৈ লোৱা হৈছে। 

আজিকালি জীৱনটো দ্ৰুত গতিত আগবাঢ়ে। মানুহৰ জীৱন প্ৰণালীও সলনি হৈছে। পূৰ্বতকৈ উন্নত হৈছে জীৱন ধাৰণ পদ্ধতি। উন্নত জীৱন ধাৰণৰ বাবে প্ৰতিযোগিতা আৰু ব্যস্ততাও বৃদ্ধি পাইছে। গতিকে বহুতৰে পেচাগত জীৱনত অতিৰিক্ত চাপ বৃদ্ধি পাবলৈ ধৰিছে। যাৰ ফলত মানুহৰ জীৱনত মানসিক চাপ আৰু উদ্বেগ বৃদ্ধি পাইছে। বিশেষজ্ঞসকলৰ মতে উদ্বেগে কেৱল শৰীৰত প্ৰভাৱ পেলোৱাই নহয়, যৌন জীৱনটো ওপৰতো ই বেয়া প্ৰভাৱ পেলাব পাৰে।

এতয়িা আহিছো পত্নীৰ সৈতে স্বামীৰ যৌনতাৰ প্ৰতি অনীহালৈ  —

বিৰক্তি/একঘেয়ামি জীৱন :

বিশেষজ্ঞসকলে কয় যে যদি আপুনি কোনো ব্যক্তিৰ সৈতে দীৰ্ঘদিন ধৰি সম্পৰ্কত থাকে তেন্তে সংগীৰ ওপৰত বিৰক্তিৰ সৃষ্টিৰ সম্ভাৱনা থাকে। সেয় দাম্পত্য জীৱনত অলপ ‘স্পাইছি’ যোগ কৰাটো প্ৰয়োজনীয়। বিৰক্তি ভাঙি পেলোৱাৰ দায়িত্ব ল’ব লাগিব দুয়োজনে। শোৱা কোঠাত বিভিন্ন ‘পৰীক্ষা’ কৰিব পাৰে। দুয়োজনে ছুটিৰ দিনত ক’ৰবালৈ যাব পাৰে। মানসম্পন্ন সময়ো কটাব পাৰে। আপুনি দেখিব যে পৰিস্থিতি ক্ৰমান্বয়ে উন্নত হ’ব।

তৃতীয় ব্যক্তিৰ প্ৰৱেশ :

বিশেষজ্ঞসকলৰ মতে যেতিয়া তৃতীয় ব্যক্তিয়ে সম্পৰ্কত প্ৰৱেশ কৰে বা সংগীজন আন কাৰোবাৰ প্ৰতি দুৰ্বল হৈ পৰে তেতিয়া মূল ব্যক্তিজনৰ সম্পৰ্কটোৰ প্ৰতি আগ্ৰহ কমিবলৈ আৰম্ভ কৰে। আপোনাৰ স্বামীৰ ক্ষেত্ৰতো এনেকুৱা হ’ব পাৰে। আন কাৰোবাৰ লগত সম্পৰ্কত আহিলে তেওঁ আপোনাৰ প্ৰতি আগ্ৰহ হেৰুৱাব পাৰে। যদি আপুনি এনে কোনো ইংগিত পায়, তেন্তে তৎক্ষণাত বিহিত ব্যৱস্থা গ্ৰহণ কৰক।

শাৰীৰিক ৰোগ :

স্বামীৰ যিকোনো শাৰীৰিক অসুস্থতাৰ বাবেও এনে হ’ব পাৰে। বুজি পোৱাটো আপোনাৰ দায়িত্ব। যদি আপুনি আপোনাৰ স্বামীৰ দিনৰ পিছত দিন শাৰীৰিক ঘনিষ্ঠতাত অনিচ্ছা লক্ষ্য কৰে তেন্তে তেওঁক প্ৰশ্ন কৰক। তেওঁৰ কোনো শাৰীৰিক সমস্যা আছে নেকি সেয়াও জানিবলৈ চেষ্টা কৰক।

হেল্থলাইনৰ মতে পুৰুষৰ শৰীৰত টেষ্টষ্টেৰনৰ মাত্ৰা কমি আহিলে যৌন সংগম কৰিবলৈ অনিচ্ছা দেখা যায়। এয়া যিকোনো ঔষধৰ প্ৰভাৱতো হ’ব পাৰে। গতিকে এইবোৰ কথাৰ যত্ন লওক। প্ৰয়োজন হ’লে বিশেষজ্ঞ চিকিৎসকৰ সহায় লওক।

বৈবাহিক অস্থিৰতা :

আপোনাৰ সম্পৰ্কৰ উষ্ণতা বহু পৰিমাণে নিৰ্ভৰ কৰে বৈবাহিক শান্তিৰ ওপৰত। যদি আপোনাৰ পৰিয়ালত বিশেষ সমস্যা নাথাকে তেন্তে সম্পৰ্কৰ উষ্ণতা অক্ষত থাকিব। কিন্তু যদি দৈনিক স্বামীৰ লগত কিবা এটা বা আনটোক লৈ সংঘাত হয়, তেন্তে সম্পৰ্কত প্ৰভাৱ পৰাটো স্বাভাৱিক! আনকি আপোনাৰ স্বামীয়ে শাৰীৰিক ঘনিষ্ঠতাৰ প্ৰতিও আগ্ৰহ হেৰুৱাব পাৰে।

প্ৰতিটো দিশতে গুৰুত্ব দিয়ক। যদি আপুনি আপোনাৰ স্বামীৰ কোনো পৰিৱৰ্তন লক্ষ্য কৰে, তেন্তে তেওঁক দোষাৰোপ কৰাৰ পৰিৱৰ্তে সমস্যাৰ উৎস বিচাৰি উলিয়াবলৈ চেষ্টা কৰক।