কাজিৰঙাৰ এনিমেল কৰিডৰত নিশা কৰ্মৰত বনকৰ্মী, আৰক্ষীলৈ খাদ্যৰ টোপোলা
বোকাখাতৰ শংকৰদেৱ শিশু বিদ্যা নিকেতনৰ প্ৰাক্তন ছাত্ৰ ভাৰতীৰ উদ্যোগত ৮ জুলাইত বানাক্ৰান্ত কাজিৰঙা ৰাষ্ট্ৰীয় উদ্যানৰ বন্যপ্ৰাণীৰ সুৰক্ষাৰ বাবে এনিমেল কৰিডৰবোৰত নিয়োজিত বনকৰ্মী, বন সুৰক্ষা বাহিনী আৰু আৰক্ষীৰ লোকসকলৰ মাজত খাদ্য সামগ্ৰী বিতৰণ কৰে৷
বিদ্যালয়খনৰ প্ৰাক্তন ছাত্ৰ ভাৰতীৰ সভাপতি চক্ৰপাণি কলিতা আৰু সম্পাদক হিমাংশু বৰাৰ নেতৃত্বত বাৰজনীয়া এক প্ৰতিনিধিৰ দলে যোৱা নিশা কাজিৰঙা ৰাষ্ট্ৰীয় উদ্যানৰ ৩৭নং ৰাষ্ট্ৰীয় পথাংশৰ এনিমেল কৰিডৰত কৰ্তব্যৰত বনকৰ্মী আৰু আৰক্ষীক একোটাকৈ খাদ্যৰ টোপোলা প্ৰদান কৰি কাজিৰঙাৰ বন্যপ্ৰাণীৰ সুৰক্ষাৰ বাবে আগবঢ়োৱা সেৱাৰ বাবে কৃতজ্ঞতা জ্ঞাপন কৰে৷
ইয়াৰ লগতে কাজিৰঙাৰ পাণবাৰীত থকা বন্যপ্ৰাণী পুনৰ সংস্থাপন আৰু সংৰক্ষণ কেন্দ্ৰত বানপানীৰ সময়ত উদ্ধাৰ কৰি অনা গঁড় পোৱালিৰ বাবেও খাদ্য আগবঢ়ায়৷
এই কাৰ্যৰ বাবে নিকেতনৰ প্ৰাক্তন ছাত্ৰসকলে নিজস্বভাৱে বৰঙনি আগবঢ়াইছিল বুলি সম্পাদক হিমাংশু বৰাই জনায়৷
You may also like
দেশখনত চতুৰ্থটো শক্তিশালী ভূমিকম্প; আজি পুনৰ ভূমিকম্পই জোকাৰি গ’ল তুৰস্ক
আজি পুনৰ এক শক্তিশালী ভূমিকম্পই জোকাৰি গৈছে তুৰস্ক। এইবাৰ ভূমিকম্পটোৱে দেশৰ কেন্দ্ৰীয় অংশত আঘাত কৰিছে। মঙলবাৰৰ ভূমিকম্পৰ ৰিখটাৰ স্কেলত প্ৰাবল্য আছিল ৫.৬।…
বেটী বচাও, বেটী পঢ়াও আঁচনিৰ ব্ৰেণ্ড এম্বেছাদৰ হিচাপে নিযুক্ত অসমৰ বক্সাৰ অংকুশিতা বড়ো
সমাজত কন্যা সন্তানক উপযুক্ত মৰ্যাদা সহকাৰে জীয়াই থকাৰ এখন মঞ্চ দিয়াৰ উদ্দ্যেশ্য প্ৰধানমন্ত্ৰী নৰেন্দ্ৰ মোডীয়ে আৰম্ভ কৰা অভিলাসী আঁচনি ‘বেটী বচাও, বেটী…
আজান পীৰৰ আপুৰুগীয়া সামগ্ৰী সাঁচি ৰখা পুৰণিগুদামৰ এটি বিশেষ পৰিয়াল
যুগ-যুগ ধৰি হিন্দু-মুছলমানৰ ঐক্য-সম্প্ৰীতিৰ বৰঘৰ স্বৰূপ নগাঁৱৰ পুৰণিগুদামৰ এটা বিশেষ পৰিয়ালে যত্নেৰে সাঁচি ৰাখিছে কেইপদমান পৌৰাণিক আৰু মূল্যৱান বস্তু। বস্তু কেইপদ চাবৰ বাবে…
মাৰ্ঘেৰিটাৰ উলুপত স্থাপন হ’ব শ্ৰী শ্ৰী আউনিআটী সত্ৰৰ শাখা সত্ৰ আৰু বিশ্ববিদ্যালয়
তিনিচুকীয়া জিলাৰ মাৰ্ঘেৰিটাৰ উলুপত ৰাজ্যৰ অন্যতম আধ্যাত্মিক পীঠস্থান শ্ৰী শ্ৰী আউনিআটী সত্ৰৰ শাখা সত্ৰ আৰু এখন বিশ্ববিদ্যালয় স্থাপনৰ বাবে প্ৰস্ততি চলোৱা হৈছে।…