ৰাষ্ট্ৰপতিৰ পৰা ভাৰ্চুৱেল অনুষ্ঠানত অৰ্জুন বঁটা গ্ৰহণ কৰিলে অসম কন্যা লাভলিনা বৰগোঁহাইয়ে
ৰাষ্ট্ৰপতি ৰামনাথ কোবিন্দৰ পৰা আজি ভাৰ্চুৱেল মীটৰ জৰিয়তে সন্মানীয় অৰ্জুন বঁটা গ্ৰহণ কৰে অসম কন্যা লাভলিনা বৰগোঁহাইয়ে।
বক্সিঙিৰ জগত খনলৈ লাভলিনাই আগবঢ়োৱা অনবদ্য বৰঙণিৰ বাবে এইবেলি অসমৰ লাভলিনা বৰগোঁহাইক অৰ্জুন বঁটাৰ বাবে নিৰ্বাচন কৰিছিল।
ভাৰতীয় খেল প্ৰাধিকৰণে নিৰ্দিষ্ট কৰি দিয়া দেশৰ ৯ টা স্থানৰ পৰা নিৰ্বাচিত খেলুৱৈ সকলে বঁটা গ্ৰহণ কৰে।
হকীৰ যাদুকৰ ধ্যান চাঁদৰ ১১৫ সংখ্যক জন্মদিনৰ সৈতে সংগতি ৰাখি অনুষ্ঠিত কৰা ৰাষ্ট্ৰীয় খেল দিৱসৰ দিনটোতে লাভলিনাই চণ্ডীগড়ত উপস্থিত থাকিয়েই ভাৰ্চুৱেল মীটৰ জৰিয়তে ৰাষ্ট্ৰপতিৰ পৰা এই বঁটা গ্ৰহণ কৰে।
অসমৰ গোলাঘাট জিলাৰ বাসিন্দা লাভলিনা বৰগোঁহাইয়েই হৈছে অলিম্পিকলৈ নিৰ্বাচিত প্ৰথম গৰাকী মহিলা খেলুৱৈ।
একেদৰে তেওঁ শিৱ থাপাৰ পিছতে অলিম্পিকৰ বক্সিঙত স্থান লাভ কৰা ৰাজ্যৰ দ্বিতীয় গৰাকী বক্সাৰ।
লাভলিনাই নতুন দিল্লীত আয়োজিত প্ৰথম ইণ্ডিয়া অপেন ইণ্টাৰনেছনেল বক্সিং টুৰ্ণামেণ্টত সোণৰ পদক অৰ্জন কৰাৰ লগতে গুৱাহাটীত অনুষ্ঠিত দ্বিতীয় ইণ্ডিয়া অপেন ইণ্টাৰনেছনেল বক্সিং টুৰ্ণামেণ্টত ৰূপৰ পদক অৰ্জন কৰিছিল।
ৰাছিয়াত অনুষ্ঠিত ২০১৯ এআইবিএ ৱমেনছ ৱৰ্ল্ড বক্সিঙত তেওং ব্ৰঞ্জৰ পদক লাভ কৰিছিল।
আজি লাভলিনাৰ উপৰি দ্যুতি চান্দ,সাৱন্ত অজয় আনন্ত,অদিতি অশোক আদিৰ লগতে মুঠ ২৭ গৰাকী খেলুৱৈক অৰ্জুন বঁটা প্ৰদান কৰা হয়।
এইবাৰৰ অৰ্জুন বঁটাত থকা নগদ ধনৰ পৰিমাণ হৈছে ১৫ লাখ টকা।
You may also like
কংগ্ৰেছ নেতা, প্ৰাক্তন বিধায়ক হাবুল চক্রৱৰ্তীৰ পৰলোকপ্ৰাপ্তি
অসমৰ কংগ্ৰেছ নেতা তথা ঢেকিয়াজুলি সমষ্টিৰ প্ৰাক্তন বিধায়ক হাবুল চক্ৰৱৰ্তীৰ দেওবাৰে পৰলোকপ্ৰাপ্তি ঘটে। মৃত্যুৰ সময়ত তেওঁৰ বয়স আছিল ৬০বছৰ। শ্বাহ-প্ৰশ্বাসৰ সমস্যাৰ বাবে…
‘জঘন্য, এই ক্ষতি কোনে পূৰণ কৰিব?’, বিজেপি কাৰ্যালয়ৰ বাবে কাটিলে ৪০ডাল গছ, ক্ষুব্ধ উচ্চতম ন্যায়ালয়
হাৰিয়ানাৰ কৰ্ণালত বিজেপিৰ নতুন দলীয় কাৰ্যালয়ৰ পথ বহল কৰিবলৈ প্ৰায় ৪০ ডাল গছ কাটি পেলোৱাৰ বাবে বুধবাৰে উচ্চতম ন্যায়ালয়ত তীব্ৰ সমালোচনাৰ সন্মুখীন…
জম্মু-কাশ্মীৰত পৰ্যটকৰ ওপৰত নিৰ্বিচাৰ গুলীচালনা : নিহত ২৮ জন, শতাধিক আহত
কেইমাহমানৰ পিছত আৰম্ভ হ’ব অমৰনাথ যাত্ৰা। ইতিমধ্যে ইয়াৰ প্ৰস্তুতি আৰম্ভ হৈছে। ইফালে জম্মু-কাশ্মীৰত পৰ্যটকৰ ওপৰত সন্ত্ৰাসবাদীয়ে চলাইছে আক্ৰমণ। মঙলবাৰে পহলগামত উগ্ৰপন্থীয়ে গুলীচালনা…
সংসদৰ বৈঠকৰ পূৰ্বে বাজেটৰ বিৰুদ্ধে প্ৰতিবাদ; মোদীৰ উপস্থিতিৰ দাবী ইণ্ডিয়া মিত্ৰজোঁটৰ
বৈষম্যমূলক বাজেটৰ অভিযোগ লৈ বিৰোধীয়ে সংসদত তীব্ৰ প্ৰতিবাদ আৰম্ভ কৰিছে। পুৱা ১০ বজাৰ পৰা সংসদৰ সন্মুখৰ দুৱাৰত অব্যাহত আছে প্ৰতিবাদ। ইণ্ডি এলায়েন্সৰ…