অসমীয়া ভাষাত অসমবাসীলৈ ভোগালী বিহুৰ শুভেচ্ছা ৰাষ্ট্ৰপতি ৰামনাথ কোবিন্দৰ

সমগ্ৰ ৰাজ্যতে জাতি ধ্বংসী নাগৰিকত্ব বিধেয়ক, ২০১৬ৰ বিৰোধিতা তথা এই বিধেয়ক বাতিলৰ দাবীত উত্তাল পৰিৱেশৰ সৃষ্টি হৈ থকাৰ মাজতে আজি ৰাজ্যবাসীয়ে পালন কৰিব ভোগালী বিহুৰ উৰুকা। এই উপলক্ষে ভাৰতৰ ৰাষ্ট্ৰপতি ৰামনাথ কোবিন্দেও অসমবাসীলৈ ভোগালী বিহুৰ শুভেচ্ছা জ্ঞাপন কৰে।

উল্লেখযোগ্য যে দেওবাৰে সন্ধিয়া ছচিয়েল মেডিয়াৰ জৰিয়তে ৰাষ্ট্ৰপতি গৰাকীয়ে অসমীয়া ভাষাতে সমূহ অসমবাসীক ভোগালী বিহুৰ শুভেচ্ছা জনায়। লগতে বিশ্বৰ বিভিন্ন প্ৰান্তত থকা অসমীয়া লোকসকলকো ৰাষ্ট্ৰপতিগৰাকীয়ে বিহুৰ শুভেচ্ছা জনায়।

‘ভোগালীয়ে সকলোৰে জীৱনলৈ সৌভাগ্য আৰু সমৃদ্ধিৰ বতৰা কঢ়িয়াই আনক’ বুলি ৰাষ্ট্ৰপতিগৰাকীয়ে টুইটাৰত উল্লেখ কৰি বিহুৰ শুভেচ্ছা জ্ঞাপন কৰে।