২ ডিচেম্বৰত সম্পন্ন হ’ব প্ৰিয়ংকা চোপ্ৰা আৰু নিক জোনাছৰ বিয়া
অহা ২ ডিচেম্বৰত নিক জোনাছৰ সৈতে বিবাহপাশত আবদ্ধ হ’ব অসমৰ ব্ৰেণ্ড এম্বেছেডৰ প্ৰিয়ংকা চোপ্ৰা। যোধপুৰত দুয়োৰে বিবাহ অনুষ্ঠান সম্পন্ন কৰা হ’ব বুলি বাতৰি পোৱা গৈছে।
ইণ্ডিয়া টু’ডেত প্ৰকাশিত এটা প্ৰতিৱেদনত প্ৰকাশ পোৱা অনুসৰি যোৱা আগষ্ট মাহত ৰোকা অনুষ্ঠান স্পন্ন হৈ যোৱাৰ পাছত প্ৰিয়ংকা আৰু নিকৰ বিয়ালৈ সকলোৱে অধীৰ আগ্ৰহেৰে অপেক্ষা কৰি আছে। কেতিয়ানো বিয়াৰ তাৰিখ স্থিৰ হ’ব তাকে লৈ গুজবৰো অন্ত নাই। শেহতীয়া খবৰ অনুসৰি, ডিচেম্বৰৰ ২ তাৰিখটো বিয়াৰ বাবে স্থিৰ কৰা হৈ গৈছে।
প্ৰতিৱেদনত আৰু কোৱা হৈছে যে ৩ দিন ধৰি বিবাহৰ অনুষ্ঠান চলিব। নৱেম্বৰৰ ৩০ তাৰিখে আৰম্ভ হৈ ২ ডিচেম্বৰত সম্পন্ন হ’ব। নিকে ভাৰতলৈ বিবাহৰ স্থান স্থিৰ কৰাৰ বাবেই সঘনাই আহি আছে। উল্লেখ্য যে কেবল ২০০গৰাকী নিমন্ত্ৰিত অতিথিৰ উপস্থিতিত এই বিবাহকাৰ্য সম্পন্ন হ’ব।
উল্লেখ্য যে যোৱা সোমবাৰে পূৰ্বে ‘ব্ৰেণ্ড এম্বেছেদৰ’ আৰু ক্কোৱাণ্টিকোৰ ষ্টাৰ প্ৰিয়ংকা চোপ্ৰাক লৈ ‘অ’ছাম আছাম’ প্ৰচাৰ অভিযানৰ অংশ হিচাপে অসম পৰ্যটন বিভাগে এখন এড ফিল্ম ৰিলিজ কৰিছিল। প্ৰাকৃতিক সম্পদ আৰু বিহু নাচনিসকলৰ সৈতে তাল মিলাই নচা মেখেলা-চাদৰ পৰিহিতা প্ৰিয়ংকাৰ এই এড ফিল্মখনে বিপুল সংখ্যক দৰ্শকে চাইছিল।
এইটো ভিডিঅ’ত লুইতকে ধৰি অসমৰ নয়নাভিৰাম নদীসমূহ, গছ, লতা, বন্যপ্ৰাণী, চাহ বাগান, অসমৰ সংস্কৃতি, সংগীত, খাদ্য সামগ্ৰী, অতিথিপৰায়ণ অসমীয়াকে ধৰি অসমৰ প্ৰাকৃতিক সৌন্দৰ্যক এই ভিডিঅ’টোত তুলি ধৰা হৈছিল।