তামুলপুৰ বিধানসভা সমষ্টিত ৰাইজৰ দলৰ প্ৰাৰ্থী নগেন চন্দ্ৰ দাসে তীব্ৰতৰ কৰি তুলিছে নিৰ্বাচনী প্ৰচাৰ
৫৮ নম্বৰ বিধানসভা সমষ্টিৰ গাঁৱে-ভূঞে, চুকে কোণে সমৰ্থকক লগত লৈ ৰাইজৰ দলৰ প্ৰাৰ্থী নগেন চন্দ্ৰ দাসে প্ৰচাৰ কাৰ্য অব্যাহত ৰাখিছে।
ৰাইজৰ দলৰ প্ৰাৰ্থী নগেন চন্দ্ৰ দাসৰ দাবী যে বিপিএফৰ পৰা প্ৰাৰ্থী গৰাকী ওলাই যোৱাৰ পিছত বিপিএফৰ পৰা জাকে জাকে মানুহ আহিছে ৰাইজৰ দললৈ।
তেওঁ কয়, ‘’মোৰ জয় নিশ্চিত। মোক কোনেও ৰুধিব নোৱাৰে। মই একলাখ বিছ হাজাৰতকৈ অধিক ভোট পাম।‘’
নৰেন্দ্ৰ মোদীৰ তামুলপুৰ ভ্ৰমণ সম্পৰ্কে নগেন চন্দ্ৰ দাসে কয়, ‘’নৰেন্দ্ৰ মোদীয়ে ৰাইজৰ দলক ভয় কৰি তামুলপুৰলৈ প্ৰচাৰ চলাবলৈ আহিছে।‘’
তেওঁ লগতে কয়, ‘’তামুলপুৰ সমষ্টিত মই এগৰাকী অজনজাতীয় প্ৰাৰ্থী। এইবাৰ অজনজাতীয় প্ৰাৰ্থী জয় লাভ নকৰিলে ২০২৬ চনত তামুলপুৰ বিধানসভা সমষ্টিটো জনজাতিৰ বাবে সংৰক্ষিত হব।‘’
অজনজাতি লোকৰ ৰাজনৈতিক ভৱিষ্যত সুৰক্ষিত কৰাৰ স্বাৰ্থত ৰাইজক ভোট দিয়াৰ আহ্বান জনায় ৰাইজৰ দলৰ প্ৰাৰ্থী নগেন চন্দ্ৰ দাসে।