ৰাজ্যসভাৰ উপাধ্যক্ষ পদৰ বাবে আজি অনুষ্ঠিত হ’ব নিৰ্বাচন
সংসদৰ বৰ্ষাকালীন অধিৱেশনৰ প্ৰথম দিনটোতে আজি নিৰ্বাচন কৰা হ’ব ৰাজ্যসভাৰ উপাধ্যক্ষ।
ৰাজ্যসভাৰ উপাধ্যক্ষ পদৰ বাবে ইতিমধ্যে শাসকীয় এনডিএৰ প্ৰাৰ্থী হিচাবে মনোনয়ন আগবঢ়াইছে হৰিবংশ নাৰায়ণ সিঙে।
একেদৰে বিৰোধীৰ সৰ্বসন্মত প্ৰাৰ্থী হিচাবে প্ৰতিদ্বন্দ্বিতা কৰিছে আৰ জে ডিৰ মনোজ ঝাই।
এনডিএৰ হৈ ৰাজ্যসভাত আজি উপাধ্যক্ষ নিৰ্বাচনৰ প্ৰস্তাৱ আগবঢ়াব বিজেপিৰ ৰাষ্ট্ৰীয় সভাপতি জে পি নাড্ডাই।
বিৰোধীৰ হৈ প্ৰস্তাৱ আগবঢ়াব বিৰোধী দলৰ নেতা গুলাম নবী আজাদে।
ৰাজ্যসভাৰ সাংসদ হৰিবংশ সিঙে ৯ ছেপ্তেম্বৰত মনোনয়ন দাখিল কৰিছিল।
মনোজ ঝাই বৃহস্পতিবাৰে মনোনয়ন পত্ৰ জমা দিছিল।মনোনয়ন পত্ৰ দাখিল অন্তিম দিন আছিল ১১ ছেপ্তেম্বৰ।
ৰাজ্যসভাত আজি সদ্য প্ৰয়াত প্ৰাক্তন ৰাষ্ট্ৰপতি প্ৰণৱ মুখাৰ্জীৰ লগতে মৃত্যু ঘটা আন কেইবাগৰাকীও বিশিষ্ট ব্যক্তিৰ সোঁৱৰণত শ্ৰদ্ধাঞ্জলি জ্ঞাপন কৰা হ’ব।