মাত্ৰ ২ বছৰতে বিচ্ছেদ! ৰিলায়েন্সৰ পৰা আঁতৰি গ’ল এই বিদেশী পাৰ্টনাৰ; কাৰণটো কি?

ভাৰত তথা এছিয়াৰ আটাইতকৈ ধনী ব্যক্তি মুকেশ আম্বানীৰ কোম্পানী ৰিলায়েন্স ৰিটেইলে ব্ৰিটিছ পাৰ্টনাৰৰ সৈতে অংশীদাৰিত্বৰ অন্ত পেলাইছে। এই প্ৰসংগত লাভ কৰা তথ্য অনুসৰি ব্ৰিটেইনৰ সুপৰিচিত জোতাৰ ব্ৰেণ্ড ক্লাৰ্কছ আৰু ৰিলায়েন্স ৰিটেইলে ২ বছৰ পূৰ্বে জইন্ট ভেঞ্চাৰ গঠন কৰিছিল। সূত্ৰ অনুসৰি, অংশীদাৰিত্বৰ চৰ্তক লৈ দুয়োটা কোম্পানীৰ মাজত মতানৈক্যৰ সৃষ্টি হয়। যাৰ ফলত এই জইন্ট ভেঞ্চাৰত কাম কৰা সম্ভৱ হোৱা নাই। এনে পৰিস্থিতিত দুয়োটা কোম্পানীৰ পাৰ্টনাৰশ্বিপৰ অন্ত পৰিছে।

ইফালে দেশৰ সৰ্ববৃহৎ খুচুৰা বিক্ৰেতা কোম্পানী ৰিলায়েন্স ৰিটেইলে এই বিষয়ত  কোনো প্ৰশ্নৰ উত্তৰ দিয়া নাই। ক্লাৰ্কছৰ পৰাও কোনো প্ৰতিক্ৰিয়া প্ৰকাশ পোৱা নাই। কিন্তু সূত্ৰই জনোৱা মতে, এই অংশীদাৰিত্ব বিফল হোৱাৰ পিছত ক্লাৰ্কছে ভাৰতত নিজৰ ষ্ট’ৰ বন্ধ কৰিবলৈ আৰম্ভ কৰে।

লগতে পঢ়কঃ ঘন্টাত ১০ লাখ মাইল বেগত মহাকাশত ঘুৰিছে ৰহস্যময় অৱজেক্ট! মহাপ্ৰলয়ত ধ্বংস হ’ব পৃথিৱী?

সূত্ৰ অনুসৰি এই ব্ৰিটিছ জোতাৰ ব্ৰেণ্ডে প্ৰায় ১০ দিন পূৰ্বে ইনঅৰ্বিট মলত নিজৰ ষ্ট’ৰ বন্ধ কৰি দিছে। শেহতীয়াকৈ তেওঁলোকে ডি এল এফ মলত থকা ষ্ট’ৰটোও বন্ধ কৰি দিয়ে। ব্ৰেণ্ডটোৰ ৱেবছাইট অনুসৰি ক্লাৰ্কছে ৰিলায়েন্স ৰিটেইলৰ সৈতে অংশীদাৰিত্বৰে মুম্বাই, দিল্লী, বেংগালুৰু, কলকাতা আৰু হায়দৰাবাদৰ দৰে চহৰত ভাৰতত ৩০টাতকৈও অধিক ষ্ট’ৰ খুলিছিল।

ইফালে, ব্ৰেণ্ডটোৰ ডি এল এফ, ইনঅৰ্বিট, লুলু আৰু ফিনিক্স মলতো ষ্ট’ৰ আছে। জনা যায় যে ভাৰতীয় বজাৰত প্ৰৱেশ কৰাৰ বাবে গ্লোবেল ব্ৰেণ্ডসমূহৰ প্ৰথম পছন্দ হৈছে ৰিলায়েন্স ৰিটেইল। কাৰণ এই কোম্পানীটোৰ ভাৰতীয় বজাৰৰ বিষয়ে গভীৰ ধাৰণা আছে। লগতে এই কোম্পানীটোৰ বহুতো সম্পদ আছে।

লগতে পঢ়কঃ অসমকে ধৰি ১৮খন ৰাজ্যৰ মুখ্য সচিবক উচ্চতম ন্যায়ালয়ৰ চমন, হাজিৰ নহ’লে গ্ৰেপ্তাৰী পৰোৱানা

উল্লেখ্য যে ক্লাৰ্কছে এদশকৰো অধিক সময় ভাৰতত ব্যৱসায় কৰি আহিছে। ২০১১ চনত কোম্পানীটোৱে কিশোৰ বিয়ানী নেতৃত্বাধীন ফিউচাৰ গ্ৰুপৰ সৈতে জইন্ট ভেঞ্চাৰ গঠন কৰে। ফিউচাৰ গ্ৰুপৰ ফ্লেগশ্বিপ কোম্পানী ফিউচাৰ ৰিটেইল দেউলীয়া হ’ল। ইফালে ভাৰতত ক্লাৰ্কছৰ ব্যৱসায় বৰ্তমান এক অস্থিৰ পৰ্যায়ত। কাৰণ, বহু গ্লোবেল ব্ৰেণ্ডে ইতিমধ্যে ভাৰতীয় বজাৰত নিজৰ উপস্থিতি সম্প্ৰসাৰণ কৰিছে। এই পৰিস্থিতিত ক্লাৰ্কছে ভাৰতত নতুন অংশীদাৰ বিচাৰিব নে ইয়াৰ সম্পূৰ্ণ মালিকানাধীন স্থানীয় সহযোগী কোম্পানীৰ জৰিয়তে বজাৰত কাম কৰিব সেয়া এতিয়াও স্পষ্ট হোৱা নাই।