ধোনীৰ অভিলেখ ভংগ; দ্ৰুততম ভাৰতীয় উইকেটকীপাৰ হিচাপে মাইলষ্ট’ন স্পৰ্শ ঋষভ পন্টৰ
ব্ৰীছবেন টেষ্টৰ দ্বিতীয় ইনিংছত ১ৰাণ সংগ্ৰহ কৰাৰ লগে লগে টেষ্ট কেৰিয়াৰৰ গুৰুত্বপূৰ্ণ মাইলষ্ট’ন স্পৰ্শ কৰে ঋষভ পন্টে।
কেৰিয়াৰৰ ১৬ সংখ্যক মেচৰ ২৭নম্বৰ ইনিংছত টেষ্ট কেৰিয়াৰৰ ১০০০ৰাণ সম্পূৰ্ণ কৰে পন্টে।
ছিডনী টেষ্টৰ পাছত ১৫খন মেচত ঋষভৰ সংগ্ৰহ আছিল মুঠ ৯৭৬ৰাণ। গাব্বাৰ প্ৰথম ইনিংছত ২৩ৰাণ কৰি আউট হয় যদিও দ্বিতীয় ইনিংছত ১ৰাণ কৰাৰ লগে লগেই এহাজাৰ ৰাণ সম্পূৰ্ণ হয় উইকেটকীপাৰ বেটছমেনগৰাকীৰ।
ভাৰতীয় উকেটকীপাৰ বেটছমেনসকলৰ ভিতৰত টেষ্টত দ্ৰুততম ১হাজাৰ ৰাণ সংগ্ৰহ কৰাৰ অভিলেখ গঢ়ে পন্টে। তেওঁ মহেন্দ্ৰ সিং ধোনীৰ অভিলেখ ভংগ কৰে। ধোনীয়ে টেষ্টৰ ৩২টা ইনিংছত ১হাজাৰ ৰাণ সংগ্ৰহ কৰিছিল।
1000 Test runs for Rishabh Pant 👏
He is the quickest Indian wicket-keeper to achieve the milestone, in 27 innings!#AUSvIND pic.twitter.com/dk2Fa3stBS
— ICC (@ICC) January 19, 2021
ইয়াৰ পূৰ্বে তৃতীয়গৰাকী উইকেটকীপাৰ বেটছমেন হিচাপে ফাৰুক ইঞ্জিনিয়াৰে ৩৬টা ইনিংছত ১হাজাৰ ৰাণ সম্পূৰ্ণ কৰিছিল। সেইদৰে ঋদ্বিমান সাহাই ৩৭টা ইনিংছ খেলি সম্পূৰ্ণ কৰিছিল এহাজাৰ ৰাণ।
ঋষভ পন্টক টেষ্টত বেটিং গড় ৪০ৰ ওপৰত। তেওঁৰ নামত আছে দুটা শতকো। তদুপৰি, পন্টে ৯০ৰ ঘৰত তিনিবাৰকৈ আউট হৈছে।