খ্ৰীষ্টমাছৰ বন্ধত ধোনীৰ সৈতে পণ্ট; ডুবাইত দুই তাৰকাৰ খ্ৰীষ্টমাছ উদযাপন

খ্ৰীষ্টমাছত ভাৰতীয় দলৰ প্ৰাক্তন অধিনায়ক মহেন্দ্ৰ সিং ধোনীৰ ওচৰত উপস্থিত হয় উইকেটকীপাৰ বেটছমেন ঋষভ পণ্ট।

ধোনীৰ সৈতে পণ্টক খ্ৰীষ্টমাছৰ পাৰ্টিত ব্যস্ত থকা দেখা যায়।

উল্লেখযোগ্য যে, বিশ্বকাপৰ পাছৰে পৰা মহেন্দ্ৰ সিং ধোনী ভাৰতীয় দলৰ বাহিৰত আছে আৰু ধোনীৰ অনুপস্থিতিত ঋষভ পণ্টে দলৰ উইকেট কীপিঙৰ দায়িত্ব চম্ভালি আছে।

দুৰ্বল উইকেট কীপিঙৰ বাবে সততে সমালোচনাৰ সন্মুখিন হৈ থকা ঋষভ পণ্টে ভাৰতীয় দলৰ আগন্তুক শ্ৰীলংকা আৰু অষ্ট্ৰেলিয়াৰ বিৰুদ্ধে শৃংখলাৰ বাবে দলত স্থান লাভ কৰিছে।

মাৰমুখী বেটিঙৰ বাবে পৰিচিত পণ্টক মহেন্দ্ৰ সিং ধোনীৰ উত্তৰসূৰী হিচাপে ভৱা হৈছিল যদিও বৰ্তমানলৈ পণ্টে প্ৰত্যাশা পূৰণত সফল হ’ব পৰা নায়।

দলৰ মুখ্য নিৰ্বাচক এম এস কে প্ৰসাদে উইকেট কীপিঙৰ ক্ষেত্ৰত পণ্টৰ যথেষ্ট কৰণীয় আছে বুলি উল্লেখ কৰিছিল।

মহেন্দ্ৰ সিং ধোনীৰ টিপছেৰে পণ্টে শ্ৰীলংকা আৰু অষ্ট্ৰেলিয়াৰ বিৰুদ্ধে শৃংখলাত সফল হ’ব বুলি আশা কৰা হৈছে।