অৱসান হ’ল ‘হোৱাইট বল ক্ৰিকেট’ ত কোহলীৰ অধিনায়কত্ব ‘এৰা’; এদিনীয়াত নতুন অধিনায়কৰ দায়িত্বত ৰোহিত শৰ্মা
অৱশেষত দীৰ্ঘদিনীয়া জল্পনা-কল্পনাৰ অন্ত পেলাই ‘হোৱাইট বল ক্ৰিকেট’ ৰ বাবে ভাৰতীয় ক্ৰিকেট দলৰ নতুন অধিনায়ক হিচাপে নিৰ্বাচিত কৰা হৈছে ৰোহিত শৰ্মাক। বুধবাৰে ভাৰতৰ এদিনীয়া আৰু টি-২০ দলৰ অধিনায়ক হিচাপে নিযুক্ত কৰা হয়।
নিউজিলেণ্ডৰ বিৰুদ্ধে টি-২০ ত ভাৰতীয় দলৰ অধিনায়কত্ব কৰা অপেনাৰ বেটাৰ ৰোহিত শৰ্মা এতিয়া সীমিত অভাৰৰ ক্ৰিকেটত ভাৰতৰ অধিনায়ক হিচাপে পূৰ্ণ পৰ্যায়ৰ দায়িত্ব গ্ৰহণ কৰিব।
দক্ষিণ আফ্ৰিকাত অনুষ্ঠিত হ’বলগীয়া তিনিখনীয়া এদিনীয়া শৃংখলাৰ পৰা ৰোহিত শৰ্মাই এদিনীয়া ফৰ্মেটত দায়িত্ব গ্ৰহণ কৰিব।
The All-India Senior Selection Committee also decided to name Mr Rohit Sharma as the Captain of the ODI & T20I teams going forward.#TeamIndia | @ImRo45 pic.twitter.com/hcg92sPtCa
— BCCI (@BCCI) December 8, 2021
“সৰ্বভাৰতীয় জ্যেষ্ঠ বাছনি সমিতিয়ে আগন্তুক এদিনীয়া আৰু টি-২০ দলৰ অধিনায়ক হিচাপে শ্ৰীৰোহিত শৰ্মাৰ নাম উল্লেখ কৰাৰ সিদ্ধান্ত লৈছে।” ভাৰতীয় ক্ৰিকেট নিয়ন্ত্ৰণ ব’ৰ্ডে (বিচিচিআই) এক আনুষ্ঠানিক বিজ্ঞপ্তিত কয়।
উল্লেখ্য যে ৰোহিত শৰ্মাক কালি ভাৰতীয় টেষ্ট দলৰ সহ-অধিনায়ক হিচাপেও মনোনীত কৰা হৈছে।দীৰ্ঘ সময়ৰ পৰা ফৰ্মহীনতাত ভুগি থকা আজিংক্যা ৰাহানেৰ স্থানত ৰোহিত শৰ্মাক এই দায়িত্ব অৰ্পণ কৰা হৈছে।