সোণ-ৰূপেৰেও জুখি চাব নোৱাৰি! প্ৰেমৰ মূল্যত ২০০ কোটি টকাৰ ভৰণ-পোষণো ঘূৰাই দিয়ে সামান্থাই

নাগা চৈতন্য আৰু সামান্থা ৰুথ প্ৰভুৱে একেলগে কাম কৰাৰ সময়তে ইজনে সিজনৰ প্ৰতি গভীৰ প্ৰেমত পৰিছিল। কেইবছৰমান প্ৰেমৰ সম্পৰ্কৰ অন্তত দক্ষিণ ভাৰতীয় ৰীতিৰে দুয়ো বিবাহপাশত আবদ্ধ হয়। ইয়াৰ পিছত খ্ৰীষ্টান বিধি অনুসৰি গোৱাতো ৰাজকীয় বিবাহ অনুষ্ঠান অনুষ্ঠিত হয়। ইয়াৰ পিছত চাৰি বছৰ নৌহওঁতেই তেওঁলোকৰ সংসাৰ ভাঙি যায়।

২০২১ চনত সামান্থা আৰু নাগাৰ বিবাহ বিচ্ছেদ হয়। ‘মিউচুৱেল’ আছিল এই আইনী বিচ্ছেদ। জানিব পৰা মতে, বিবাহ বিচ্ছেদ হোৱাৰ পিছতো সামন্থাই এটকাও ভৰণ-পোষণৰ ধন লোৱা নাছিল।

শেহতীয়াকৈ যুজবেন্দ্ৰ চাহাল আৰু ধনশ্ৰী ভাৰ্মাৰ বিবাহ বিচ্ছেদ হৈছে। ধনশ্ৰীয়ে লাভ কৰিব ৪.৭৫ কোটি টকাৰ ভৰণ-পোষণ। ইয়াৰ বাবে তেওঁ ট্ৰলিঙৰ বলিও হৈছে। হৃতিক ৰোশনৰ সৈতে বিবাহ বিচ্ছেদ হোৱাৰ পিছত চুজান খানে ৩৮০ কোটি টকাৰ ভৰণ-পোষণ লাভ কৰাটোও চৰ্চালৈ আহিছে। আলোচনাৰ কেন্দ্ৰলৈ আহিছে সামান্থা ৰুথ প্ৰভুৰ কথাটোও। তেওঁ নাকচ কৰা ভৰণ-পোষণৰ ধনৰ কথা সকলোৰে আকৌ এবাৰ মনত পৰিল।

২০০ কোটি টকাৰ বিবাহ বিচ্ছেদ নিষ্পত্তি হিচাপে ভৰণ-পোষণৰ ধন লাভ কৰিছিল সামন্থা ৰুথ প্ৰভুৱে। সেই বৃহৎ পৰিমাণৰ ধন তেওঁ ঘূৰাই দিয়ে। লগতে কোৱা হয় যে নাগাই তেওঁক ভৰণ-পোষণৰ বাবে ৫০ কোটি টকাৰ দিছিল। অভিনেত্ৰীগৰাকীয়ে কোনো ধনেই ল’ব বিচৰা নাছিল।

সেই সময়ত সূত্ৰই জনোৱা মতে, সামান্থা ইমানেই ভাঙি পৰিছিল যে টকাৰ কথাই ভাবিব পৰা নাছিল। তেওঁ নাগা চৈতন্যক বিচাৰিছিল আৰু নিজৰ ভগ্ন সংসাৰখন বচাব বিচাৰিছিল। সম্পৰ্ক বিচ্ছিন্ন হৈ যোৱাৰ ফলত তেওঁ টকা লোৱাৰ কথা কল্পনাই কৰিব পৰা নাছিল।

সামান্থাই এটা প’ডকাষ্টত কয় যে “আমি আমাৰ পৃথক পথেৰে যোৱাৰ সিদ্ধান্ত লৈছিলো। আমি ইজনে সিজনক সন্মান জনাই আঁতৰি আহিলোঁ। আমি দুয়ো নিজৰ নিজৰ জগতত ব্যস্ত। ইয়াৰ পিছত আৰু একো কথাই থাকিব নোৱাৰে।”