এছ বি আইত ওলাইছে ৮,০০০ চাকৰি; চাওক সৱিশেষ

ভাৰতীয় ষ্টেট বেংক (এছ বি আই)য়ে এছ বি আইৰ ক্লাৰিকেল কেডাৰৰ কনিষ্ঠ সহায়ক (কাষ্টমাৰ ছাপোৰ্ট এণ্ড ছেলছ) পদৰ ৮,০০০ টা পদত নিযুক্তিৰ বাবে ভৰ্তি প্ৰক্ৰিয়া আৰম্ভ কৰিছে।

অৰ্হতা সম্পন্ন ইচ্ছুক প্ৰাৰ্থীসকলে এছ বি আই ক্লাৰ্ক ২০২০’ৰ বাবে ইয়াৰ নিজা ৱেবছাইট sbi.co.inত গৈ অনলাইন যোগে আবেদন কৰিব পাৰে।

ভাৰতীয় ষ্টেট বেংকে বৃহস্পতিবাৰে (২ জানুৱাৰি,২০২০) প্ৰকাশ কৰা জাননী অনুসৰি ভাৰতবৰ্ষৰ বিভিন্ন শাখাত খালী হৈ থকা উক্ত পদসমূহত নিযুক্তি দিব।

প্ৰায় ৮,০০০ খালী পদত নিযুক্তি দিবলগীয়া এইটো চাকৰি প্ৰাৰ্থীসকলৰ বাবে এক সোণালী সুযোগ বুলি ক’ব পাৰি।

জাননী অনুসৰি, এছ বি আই ক্লাৰ্ক ২০২০’ৰ বাবে ৰেজিষ্ট্ৰেশ্যন আজি (৩ জানুৱাৰি,২০২০)ৰ পৰা আৰম্ভ হ’ব। প্ৰাৰ্থীসকলৰ আবেদনৰ বাবে অন্তিম তাৰিখ হৈছে ২৬ জানুৱাৰি,২০২০।

এছ বি আই ক্লাৰ্ক ২০২০’ৰ বাবে আবেদন কৰিব বিচৰা প্ৰাৰ্থীসকলৰ অৰ্হতা কোনো স্বীকৃত প্ৰাপ্ত বিশ্ববিদ্যালয় বা কেন্দ্ৰীয় চৰকাৰৰ প্ৰতিষ্ঠানৰ পৰা যিকোনো বিষয়ত স্নাতক ডিগ্ৰীধাৰী হ’ব লাগিব।

প্ৰাৰ্থীসকলে অহা ২৬ জানুৱাৰি ২০২০ৰ ভিতৰত অনলাইন যোগে আবেদন মাছুল জমা দিব লাগিব।

যোগ্যতা সম্পন্ন আবেদনকাৰীসকলৰ বাবে এছ বি ক্লাৰ্ক প্ৰিলিমিনেৰী পৰীক্ষা অহা ২০২০ৰ ফেব্ৰুৱাৰি-মাৰ্চৰ ভিতৰত অনুষ্ঠিত হ’ব।

এছ বি আই ক্লাৰ্ক ২০২০’ত আবেদনৰ বাবে কেইটামান মনত ৰাখিবলগীয়া কথাঃ

এছ বি আই ক্লাৰ্ক ২০২০’ৰ গুৰুত্বপূৰ্ণ তাৰিখঃ

(ক) অনলাইন আবেদনৰ তাৰিখ আৰম্ভ: ৩ জানুৱাৰি, ২০২০

(খ) অনলাইন আবেদনৰ অন্তিম তাৰিখ: ২৬ জানুৱাৰি,২০২০

(গ)এছ বি ক্লাৰ্ক প্ৰিলিমিনেৰী পৰীক্ষা: ২০২০ৰ ফেব্ৰুৱাৰি-মাৰ্চৰ ভিতৰত।

(ঘ) জুনিয়ৰ এছোচিয়েট (কাষ্টমাৰ ছাপোৰ্ট এণ্ড ছেলছ) মুঠ পদৰ সংখ্যা: ৮,০০০টা।

(ঙ) দৰমহাৰ নিৰিখ:  Rs.11765-655/ 3-13730-815/ 3-16175-980/ 4-20095-1145/ 7-28110-2120/ 1-30230-1310/1-31450

(চ) শিক্ষাগত অৰ্হতা: কোনো স্বীকৃত প্ৰাপ্ত বিশ্ববিদ্যালয় বা কেন্দ্ৰীয় চৰকাৰৰ প্ৰতিষ্ঠানৰ পৰা যিকোনো বিষয়ত স্নাতক ডিগ্ৰীধাৰী হ’ব লাগিব।

(ছ) integrated dual degree (IDD) প্ৰমান পত্ৰ থকা প্ৰাৰ্থীয়ে তেওঁলোকৰ পাছ কৰা তাৰিখ ০১.০১.২০২০ৰ ভিতৰত হোৱাটো নিশ্চিত কৰিব লাগিব।

(জ) বয়সৰ সীমা: বয়সৰ সীমা ২০ বছৰৰ পৰা ২৮ বছৰৰ ভিতৰত হ’ব লাগিব। (চৰকাৰী নিয়ম অনুসৰি বয়সৰ সীমা ৰেহাই দিয়া হ’ব)।

প্ৰাৰ্থীসকলে বেংকৰ ৱেবছাইট https://bank.sbi/careers বা https://www.sbi.co.in/careers-Recruitment of Junior Associates 2020ত গৈ ৰেজিষ্ট্ৰেশ্যন কৰিব লাগিব।

ৰেজিষ্টেশ্যনৰ পাছতে প্ৰাৰ্থীসকলে অনলাইন যোগে debit card/ credit card/ Internet Bankingব্যৱহাৰ কৰি নিৰ্দ্ধাৰিত মাছুল জমা দিব লাগিব।

প্ৰাৰ্থীসকলৰ বাবে নিৰ্দ্ধাৰিত মাছুল: General/ OBC/ EWS – Rs 750/- আৰু SC/ ST/ PWD/ XS – মাছুল নাই।