আধাৰ কাৰ্ড আপডেট কৰাৰ নতুন নিয়ম; চাওক, অনলাইনত কেনেকৈ কৰিব আপডেট

আধাৰ কাৰ্ড আপডেট কৰিবলৈ এতিয়া আৰু বিশেষ কষ্ট কৰিব নালাগে। এতিয়া বেংকৰ পাছবুকেৰেই আধাৰ কাৰ্ড আপডেট কৰিব পৰা যাব।

ঘৰত বহিয়েই অনলাইনত আধাৰ কাৰ্ড  আপডেটৰ এই কাম কৰিব পৰা যাব। ইয়াৰ বাবে কেইটামান নথি লগত ৰাখিব লাগিব। ইউডিআইয়ে এই সন্দৰ্ভত নিয়মাৱলী জাৰি কৰিছে।

ইউডিআইয়ে জানিবলৈ দিছে যে আধাৰ কাৰ্ডত সলনি কৰিবৰ বাবে সঠিক তথ্য থকা নথি জমা দিয়া প্ৰয়োজন।

ইউডিআইয়ে মুঠ ৪৪বিধ নথিক বৈধ হিচাপে গণ্য কৰে। সেইদৰে ঠিকনাৰ প্ৰমান পত্ৰ হিচাপে বেংকৰ পাছবুকো গ্ৰহণ কৰা হ’ব কিয়নো বেংকৰ পাছবুক গুৰুত্বপূৰ্ণ নথি হিচাপে ধৰা হৈছে।

পাছবুকত থকা ফটোত বেংক কৰ্তৃপক্ষৰ চহী আৰু ষ্টাম্প থাকিব লাগিব। কোনোৱে যদি নিজৰ ঘৰৰ ঠিকনা সলনি কৰিব বিচাৰে তেতিয়া বেংকৰ পাছবুক খনে যথেষ্ট গুৰুত্বপূৰ্ণ ভূমিকা পালন কৰে।

টুইটযোগে  ইউডিআইয়ে জানিবলৈ দিছে যে পাছপোৰ্ট, ঘৰ ভাড়াৰ নথি, পাছবুক বা বেংক ষ্টেটমেন্ট, টেলিফোনৰ বিল, পানীৰ বিল, ভোটাৰ কাৰ্ড, ড্ৰাইভিং লাইচেন্সৰ দৰে নথিসমূহক প্ৰমান পত্ৰ হিচাপে গ্ৰহণ কৰা হ’ব।

অনলাইনত ঘৰৰ ঠিকনা সলনি কৰা নিয়মঃ

ক) প্ৰথমতে uidai.gov.in ক্লিক কৰক

খ)“update your address online” অপশ্যনত ছিলেক্ট কৰক

গ) যিসকলৰ নিজৰ মোবাইল নম্বৰ আছে আৰু ইউডিআইৰ সৈতে লিংক আছে তেওঁলোকেহে এই কাম কৰিব পাৰিব

ঘ)  ইউডিআইৰ সৈতে লিংক থকা নিজৰ মোবাইল নম্বৰ দিয়ক

ঙ) ইয়াৰ পাছত এটা অ’টিপি লাভ কৰিব। সেইটো নিৰ্দিষ্ট স্থানত বহুৱাওক

চ) ইয়াৰ পাছত ছিলেক্ট কৰি ‘address update’ত ক্লিক কৰক