জ্যেষ্ঠ সাংবাদিক মোজ্জাহিদুল হকৰ অকাল মৃত্যু
জ্যেষ্ঠ সাংবাদিক মোজ্জাহিদুল হকে বৃহস্পতিবাৰে গুৱাহাটীত শেষ নিশ্বাস ত্যাগ কৰিছে।
বিভিন্ন ৰোগত ভুগি থকা হক (৫০) দিছপুৰ হস্পিটেলত চিকিৎসাধীন হৈ আছিল আৰু তাতে পুৱা চাৰি বজাত তেওঁৰ মৃত্যু হয়।
গুৱাহাটীৰ কাহিলীপাৰাৰ সাংবাদিক ক’লনিৰ বাসিন্দা হকে পত্নী আৰু এজন পুত্ৰ সন্তানক এৰি থৈ গৈছে।
অসমীয়া খবৰ কাকতৰ প্ৰাক্তন কাৰ্য্যবাহী সম্পাদক হকে পূৰ্বে নতুন দৈনিক আৰু সান্ধ্য বাতৰিতো কাম কৰিছিল।
৮০ৰ দশকত সাংবাদিকতা আৰম্ভ কৰা হকে বিভিন্ন কাকতত এলানি ৰাজনৈতিক ব্যংগ লিখিছিল।
ধুবুৰীত জন্ম গ্ৰহণ কৰা হকে ভোলানাথ কলেজ আৰু গুৱাহাটী বিশ্ববিদ্যালয়ত শিক্ষা গ্ৰহণ কৰিছিল।
জ্যেষ্ঠ সাংবাদিকগৰাকীৰ অকাল মৃত্যুত অসমৰ মুখ্য মন্ত্ৰী সৰ্বানন্দ সোণোৱাল, জাৰ্নেলিষ্টছ ফৰাম অৱ আছাম আৰু গুৱাহাটী প্ৰেছ ক্লাবে গভীৰ শোক প্ৰকাশ কৰিছে।
মুখ্য মন্ত্ৰী সোণোৱালে হকৰ বিদেহ আত্মাৰ চিৰশান্তি কামনা কৰি শোকসন্তপ্ত পৰিয়ালবৰ্গলৈ সমবেদনা জ্ঞাপন কৰিছে।
এক শোকবাৰ্তাত জে এফ এৰ সভাপতি ৰূপম বৰুৱা আৰু সম্পাদক নৱ ঠাকুৰীয়াই কয় যে চলিত লকডাউনৰ সময়ত আমি বিভিন্ন ৰোগত চাৰিগৰাকী সাংবাদিক হেৰুৱালো।
শেহতীয়াকৈ সাংবাদিক পদ্মেশ্বৰ চিত্ৰকৰ, ভাস্কৰ দত্ত আৰু প্ৰাঞ্জল হাজৰিকাৰ মৃত্যু হৈছিল।
You may also like
আলফা(স্বা)ত মোক্ষম আঘাত : আলফা(স্বা)ৰ দুধৰ্ষ নেতা দৃষ্টি ৰাজখোৱাৰ মেঘালয়ত আত্মসমৰ্পণ
সংযুক্ত মুক্তি বাহিনী অসম (স্বাধীন)ত মোক্ষম আঘাত। আলফা(স্বা)ৰ দুধৰ্ষ নেতা তথা উপ মুখ্য সেনাধক্ষ্য দৃষ্টি ৰাজখোৱাই আত্মসমৰ্পণ কৰিছে। বিশেষ সূত্ৰৰ খবৰ মতে…
বোকাখাতৰ পৰা সংগোপনে নিয়া অতি বিৰল প্ৰজাতিৰ চানা বাৰ্কা মাছ সহ এজন লোকক জখলাবন্ধাত কৰায়ত্ত
কাজিৰঙা ৰাষ্ট্ৰীয় উদ্যানৰ পৰা অতি সংগোপনে ১১ টা অতি বিৰল প্ৰজাতিৰ ফুটুকী চেং বা চানা বাৰ্কা মাছ লৈ যোৱাৰ সময়তে জখলাবন্ধাত এজন…
পুনৰ অসুস্থ : চিকিৎসালয়ত ভৰ্তি ছোনিয়া গান্ধী
কংগ্ৰেছৰ জ্যেষ্ঠ নেত্ৰী ছোনিয়া গান্ধীক অসুস্থতাৰ বাবে হস্পিটালত ভৰ্তি কৰা হৈছে। জানিব পৰা মতে গুৰুগ্ৰামৰ এখন আগশাৰীৰ ব্যক্তিগত চিকিৎসালয়ত তেওঁক ভৰ্তি কৰোৱা…
এইবাৰ কৰ্ণাটক ! মাজনিশা চিকিৎসালয় চৌহদত বৃদ্ধ ৰোগীক ধৰ্ষণ, গ্ৰেপ্তাৰ অভিযুক্ত
আৰ জি কৰ মেডিকেল কলেজ কৰ্মস্থলীত মাজনিশা ধৰ্ষণ কৰি নৃশংসভাৱে হত্যা কৰা চিকিৎসা বিজ্ঞানৰ ছাত্ৰীগৰাকীক লৈ দেশত অস্থিৰ হৈ পৰিছে। কলকাতাকে ধৰি…