“অৰবিন্দ কেজৰিয়াল কামৰ মানুহ”-যোৰহাটত আম আদমি পাৰ্টিত যোগদান, বিশাল সমদল

যোৰহাট, শিৱসাগৰ আৰু গোলাঘাটৰ পৰা শুকুৰবাৰে আম আদমি পাৰ্টিৰ বহুকেইজন সমৰ্থক আহি যোৰহাট ষ্টেডিয়ামত এক যোগদান কাৰ্যসূচী ৰূপায়ন কৰি বিশাল সমদলৰ মাজেৰে নতুনকৈ মুকলি কৰা কাৰ্যালয়লৈ যাত্ৰা কৰে l

পুৰণি আৱৰ্ত ভৱন পথত আম আদমি পাৰ্টিৰ এটা মুখ্য কাৰ্যালয় উদ্বোধন কৰে  দলৰ কাৰ্যকর্তা সকলে l

আম আদমি পাৰ্টি জিন্দাবাদ, অৰবিন্দ কেজৰিৱাল জিন্দাবাদ, জয় আই অসম ধ্বনিৰে যোৰহাটৰ আকাশ বতাহ মুখৰিত কৰি তোলে দলৰ সমৰ্থকসকলে l

এই কাৰ্যসূচীত উপস্থিত থাকে ৰাজ্যিক সমন্বয়ৰক্ষী লক্ষ্মীকান্ত দুবে, ৰাজ্যিক সাংগঠনিক সম্পাদক ভৈৰৱ গগৈ, ৰাজ্যিক সমন্বয়ৰক্ষী ভিক্টৰ গগৈ, তিনচুকীয়া জিলা সমন্বয়ৰক্ষী চিন্তু বৰুৱা, গোলাঘাট জিলা সমন্বয়ৰক্ষী তিলক গগৈ, যোৰহাট জিলা সম্পাদক ধ্ৰুৱজ্যোতি মহন্ত, যোৰহাট জিলা যুৱশক্তিৰ সমন্বয়ৰক্ষী গৌতম মহন্ত, যোৰহাট জিলা উপদেষ্টা দিলীপ কুমাৰ বৰা আৰু ৰাইজৰ দলৰ পৰা পদত্যাগ কৰি আম আদমি পাৰ্টিত অংশগ্ৰহণ কৰা দ্বীপজ্যোতি শৰ্মা সহিতে শতাধিক কৰ্মী l

আনহাতে, এই কাৰ্যসূচীৰ মাজতে বিভিন্ন ৰাজনৈতিক দল আৰু জাতীয় সংগঠনৰ কেইবাজনো বিষয়ববীয়াইও অংশগ্ৰহণ কৰে।