চীনৰ পৰা ফল্টি ৰেপিড টেষ্টিং কিট আমদানি কৰা সন্দৰ্ভত কেন্দ্ৰক শিৱসেনাৰ সমালোচনা

চীনৰ পৰা অধিক মূল্যৰ, নিম্ন মানদণ্ডৰ আৰু বেয়া ক’ৰ’না ভাইৰাছ ৰেপিড টেষ্টিং কিট আমদানি কৰা সন্দৰ্ভত শিৱসেনাই কেন্দ্ৰ চৰকাৰক সমালোচনা কৰিছে।

শিৱসেনাই নিজৰ মুখপত্ৰ চামনাত ভাৰতে চীনৰ পৰা আমদানি কৰা ২০ লাখ ৰেপিড টেষ্টিং কিট ফল্টি আৰু কোনোধৰণৰ কামৰ নহয় বুলি উল্লেখ কৰি সমালোচনা কৰে।

উল্লেখযোগ্য যে, ভাৰতে ৰেপিড টেষ্টিঙৰ বাবে চীনৰ পৰা আমদানি কৰা ৰেপিড টেষ্টিং কিট বেয়া বুলি অধিকাংশ ৰাজ্যই কেন্দ্ৰ চৰকাৰক অভিযোগ কৰাৰ পাছত আই চি এম আৰে চীনৰ পৰা অনা টেষ্টিং কিটৰ দ্বাৰা কৰা পৰীক্ষা বন্ধ কৰে।

ভাৰতৰ ভিতৰত মহাৰাষ্ট্ৰত সৰ্বাধিক সংখ্যক লোক ক’ৰ’না ভাইৰাছত আক্ৰান্ত হৈছে।

বৃহস্পতিবাৰে মহাৰাষ্ট্ৰ নৱ নিৰ্মাণ সেনাৰ মুৰব্বী ৰাজ থাকৰে মুখ্য মন্ত্ৰী উদ্ধৱ থাকৰেক ৰাজ্যৰ সুৰাৰ বিপনী সমূহ ৰাজহ সংগ্ৰহৰ প্ৰতি লক্ষ্য ৰাখি মুকলি কৰি দিব লাগে বুলি পত্ৰ প্ৰেৰণ কৰে।

মহাৰাষ্ট্ৰ চৰকাৰে দৈনিক ৪১ কোটি টকাৰ ৰাজহ সুৰাৰ পৰা লাভ কৰে।