যুদ্ধৰ খৱৰ: ইউক্ৰেইনৰ পিছত পুটিনৰ লক্ষ্য হ’ব শ্লোভাকিয়া; ক’লে এডুয়াৰ্ড হিগাৰে

স্লোভাকিয়াৰ প্ৰধানমন্ত্ৰী এডুয়াৰ্ড হিগাৰে ৰাছিয়াৰ ৰাষ্ট্ৰপতি ভ্লাদিমিৰ পুটিন ইউক্ৰেইনতেই ক্ষান্ত নাথাকিব বুলি আশংকা প্ৰকাশ কৰিছে। যদি ইউক্ৰেইনত জয়ী হয় তেতিয়া পুটিনে তেওঁৰ দেশখনক লক্ষ্য কৰি ল’ব বুলি কয় হিগাৰে।

ৱৰ্ল্ড ইক’নমিক ফ’ৰাম (দাভোছ)ত ব্ৰিটেইনৰ সংবাদমাধ্যম স্কাই নিউজৰ সৈতে হোৱা এক সাক্ষাৎকাৰত এডুয়াৰ্ড হিগাৰে এইদৰে কয়।

স্লোভাকিয়াৰ প্ৰধানমন্ত্ৰীগৰাকীয়ে কয় যে প্ৰথম গুৰুত্বপূৰ্ণ কথাটো হ’ল ইউক্ৰেইন আমাৰ চুবুৰীয়া আৰু আমি সম্পূৰ্ণৰূপে তেওঁলোকৰ সৈতে আছো। ৰাছিয়াৰ সৈতে যুদ্ধত ইউক্ৰেইন জয়ী হ’ব বুলি আশা ব্যক্ত কৰি তেওঁ কয় যে ই ইয়াৰ গণতন্ত্ৰ আৰু সাৰ্বভৌমত্ব অটুট ৰাখিব।

চুবুৰীয়া ইউক্ৰেইন সুস্থিৰ আৰু সমৃদ্ধিশালী বুলি উল্লেখ কৰি শ্লোভাকিয়াৰ প্ৰধানমন্ত্ৰী হিগাৰে কয়, “ইউক্ৰেইনৰ পিছত আমিয়েই আছো। যদি ইউক্ৰেইন যুদ্ধত বিফল হয় তেতিয়া ৰাছিয়া আৰু অধিক আগবাঢ়ি যাব। সেয়েহে আমাৰ বাবে বিশেষকৈ ইউৰোপীয় ইউনিয়নে উপলব্ধি কৰাটো অত্যন্ত গুৰুত্বপূৰ্ণ।‘’