২৬ বছৰ বয়সত ৰহস্যজনকভাবে মৃত্যু প্ৰাপ্তবয়স্ক ছবিৰ নায়িকা ছোফিয়া লিঅ’নীৰ

মাত্ৰ ২৬ বছৰ বয়সতে নীলা ছবি আৰু মডেলিঙৰ জগতখনত অপৰিসীম জনপ্ৰিয়তা লাভ কৰিছিল ছোফিয়া লিঅ’নীয়ে। অভিনয়ৰ দ্বাৰা যথেষ্ট উপাৰ্জনো কৰিছিল ছোফিয়াই।

কিন্তু হঠাৎ নিজৰ বাসগৃহত ৰহস্যজনকভাবে উদ্ধাৰ হৈছে অভিনেত্ৰীগৰাকীৰ মৃতদেহ। শনিবাৰে তেওঁৰ পৰিয়ালৰ লোকে এই খবৰ নিশ্চিত কৰিছে।

পৰিয়ালৰ মতে, ১ মাৰ্চত আমেৰিকাত থকা ফ্লেটত পৰ্ণ ষ্টাৰগৰাকীৰ  নিথৰ দেহ উদ্ধাৰ কৰা হৈছিল। অৱশ্যে পৰ্ণ ষ্টাৰগৰাকীৰ মৃত্যু কেনেকৈ হ’ল সেই সন্দৰ্ভত পৰিয়ালে একো কোৱা নাই। ঘটনাৰ তদন্ত আৰম্ভ কৰিছে আৰক্ষীয়ে।

নীলা ছবিত অভিনয় কৰাৰ উপৰিও মডেলিং   জগততো কাম কৰিছিল ছোফিয়া লিঅ’নীয়ে।। ছোফিয়াৰ মডেলিং এজেন্সীয়ে জনোৱা মতে এয়া আত্মহত্যা নহয়। আৰক্ষীয়ে তদন্ত অব্যা হত ৰাখিছে। অভিনেত্ৰীগৰাকীৰ আত্মীয় সকলে সন্দেহ কৰিছে যে কোনোবাই ঘৰত সোমাই তেওঁক হত্যা কৰিছে।

উল্লেখ্য যে মিয়ামিৰ বাসিন্দা ছফিয়াই ১৮ বছৰ বয়সতে নীলা ছবিৰ জগতখনত প্ৰৱেশ কৰিছিল। ইয়াৰ উপৰিও কিছুদিনৰ ভিতৰতে বিপুল জনপ্ৰিয়তা লাভ কৰিছিল অভিনেত্ৰীগৰাকীয়ে।  তেওঁৰ সম্পত্তিৰ পৰিমাণ ১০ লাখ ডলাৰ বুলি অনুমান কৰা হৈছে।

উল্লেখ্য যে এনে ৰহস্য জনক মৃত্যুৰ ঘটনা এয়েই প্ৰথম নহয়, চলিত বৰ্ষত আন তিনিগৰাকী পৰ্ণ ষ্টাৰৰো মৃত্যু হৈছে। তিনিগৰাকী পৰ্ণ ষ্টাৰ কেগনি লিন কাৰ্টাৰ, জেছি জেন ​​আৰু থাইনা ফিল্ডছৰো ৰহস্যজনকভাৱে মৃত্যু হৈছিল। তেওঁলোকৰ কোনো এজনৰ মৃত্যুৰ সঠিক কাৰণ জানিব পৰা হোৱা নাই।