শ্বাসৰুদ্ধকৰ মেচত চেক গণৰাজ্যক ২-১ গ’লত পৰাস্ত কৰিলে এছিয়াৰ শক্তি দক্ষিণ কোৰিয়াই

এছিয়ান ফুটবলৰ অন্যতম শক্তিশালী দেশ দক্ষিণ কোৰিয়া। শুকুৰবাৰে পুৱা খেলপথাৰত নামিয়েই এক শ্বাসৰুদ্ধকৰ মুহূৰ্ত উপহাৰ দিলে এছিয়াক। কোৰিয়াই চেক গণৰাজ্যৰ বিৰুদ্ধে আৰম্ভণিৰে পৰাই ৰক্ষণ আৰু আক্ৰমণৰ সংমিশ্ৰণ ঘটাই খেলিছিল। অৱশ্যে কোৰিয়াৰ তাৰকা ফুটবলাৰ ছন হেউং-মিনে কেইটামান সুযোগ নষ্ট কৰে। কিন্তু তেওঁলোকৰ গ’লৰক্ষক কিম চেউং-গিউৱে শেষত দুটা ডাঙৰ ছেভ কৰি তিনিটা পইণ্ট দললৈ অনাত ডাঙৰ ভূমিকা পালন কৰে৷

শেষত কোৰিয়াৰ আক্ৰমণত চেক দলে ২-১ গ’লত পৰাস্ত হৈ খেলপথাৰ এৰি যায়।

অৱশ্যে প্ৰথমাৰ্ধত দুয়োটা দলে গ’ল দিব পৰা নাছিল। কিন্তু দ্বিতীয়াৰ্ধত দক্ষিণ কোৰিয়া পিছ পৰি ৰ’ল যেতিয়া দ্বিতীয়াৰ্ধৰ ৫৯ মিনিটত চেক অধিনায়ক লাডিস্লাভ ক্ৰেজচিয়ে গ’ল দিয়ে। কিন্তু চেক গণৰাজ্যই সেই ব্যৱধান বেছি সময় ধৰি ৰাখিব পৰা নাছিল। ৮ মিনিটৰ ভিতৰতে দক্ষিণ কোৰিয়াই সমতা স্থাপন কৰে।

মেক্সিকোৰ গুৱাডালাজাৰা ষ্টেডিয়ামত অনুষ্ঠিত খেলখনৰ ৬৭ মিনিটত কোৰিয়াৰ হৈ হাৱাং ইন-বেইমে সমতা স্থাপন কৰে। তেওঁ দুজন চেক ডিফেণ্ডাৰৰ মাজত ঠাই বিচাৰি পায় আৰু তাৰ সুযোগ লয়। তেওঁ গ’লৰক্ষক আৰু ডিফেণ্ডাৰসকলক আগবাঢ়ি আহিবলৈ বাধ্য কৰাইছিল। তাৰ পিছত তেওঁ বলটো নেটৰ কোণলৈ পঠিয়াই দিয়ে।

৮০ মিনিটত দক্ষিণ কোৰিয়াৰ হৈ ইয়ন-গুইয়ে গ’ল দিয়ে। আৰু তেওঁৰ গ’লে দক্ষিণ কোৰিয়াৰ জয় নিশ্চিত কৰে।