বন্ধ হ’ব এছ বি আইৰ শাখা, গ্ৰাহকৰ বাবে খোলা হ’ব ই-কৰ্ণাৰ ! সংসদত কি উত্তৰ দিলে চৰকাৰে

কেন্দ্ৰীয় চৰকাৰে দেশত ভাৰতীয় ষ্টেট বেংকৰ শাখা সমূহ বন্ধ কৰাৰ বাবে পৰিকল্পনা গ্ৰহণ কৰিছে আৰু ইয়াৰ পৰিৱৰ্তে ই-কৰ্ণাৰ স্থাপন কৰাৰ কথা ভাবিছে।

কেন্দ্ৰীয় ৰাজ্যিক বিত্ত মন্ত্ৰী অনুৰাগ ঠাকুৰে সংসদত লিখিত উত্তৰত ষ্টেট বেংকৰ শাখা সমূহ বন্ধ কৰাৰ কথা উল্লেখ কৰে যাৰ ফলত অতিৰিক্ত কৰ্মীৰ সংখ্যা হ্ৰাস পাব।

‘‘ষ্টেট বেংক অব ইণ্ডিয়াত বৰ্তমান ২.৫ লাখ কৰ্মচাৰী আছে আৰু ২০২১ চনৰ মাৰ্চ মাহলৈ এই সংখ্যা হ্ৰাস নহয়। সেয়েহে বেংকৰ শাখা সমূহ বন্ধ কৰাৰ পৰিকল্পনা নাই কেবল ইয়াক ই-কৰ্ণাৰলৈ ৰূপান্তৰহে কৰা হ’ব,’’ ঠাকুৰে কয়।

সংসদত এগৰাকী সাংসদে চৰকাৰে বেংক শাখা সমূহ বন্ধ আৰু ই-কৰ্ণাৰ স্থাপনৰ বাবে কি পৰিকল্পনা গ্ৰহণ কৰিছে বুলি সোধা এক প্ৰশ্নৰ উত্তৰত ঠাকুৰে এনেদৰে কয়।

সাংসদ গৰাকীয়ে চৰকাৰে ২০২১ চনৰ মাৰ্চলৈ ১৬ লাখ কৰ্মী হ্ৰাস কৰিব নেকি বুলিও এক প্ৰশ্ন কৰে।

এছ বি আইৰ জানুৱাৰি মাহত প্ৰকাশিত এক তথ্যত ২০২০ বিত্তীয় বৰ্ষত দেশত মুঠ ১৬ লাখ পেৰোল সৃষ্টি হ’ব।

‘‘২০২০ বিত্তীয় বৰ্ষত ভাৰতীয় অৰ্থনীতি ৫ শতাংশ হাৰত বৃদ্ধি হ’ব বুলি ধাৰণা কৰা হৈছে। বৰ্তমানৰ লেহেমীয়া অৰ্থনৈতিক উন্নয়ণে পেৰোল ক্ৰিয়েশ্যনত প্ৰভাৱ পেলাইছে। ই পি এফ অ’ ডাটা অনুসৰি ২০১৯ বিত্তীয় বৰ্ষত ভাৰতে মুঠ ৮৯.৭ লাখ নতুন পেৰোল সৃষ্টি কৰিছে,’’ এছ বি আইৰ তথ্যত প্ৰকাশ।