দেশৰ সকলো ব্ৰেণ্ডেড নিমখ আৰু চেনিতে আছে মাইক্ৰ’প্লাষ্টিক! গৱেষণাত উদ্বেগজনক তথ্য

শেহতীয়াকৈ কৰা এক অধ্যয়নত বিস্ফোৰক তথ্য পোহৰলৈ আহিছে। ‘টক্সিকছ লিংক’ৰ এক অধ্যয়নত দাবী কৰা হৈছে যে ভাৰতৰ সকলো ব্ৰেণ্ডেড নিমখ আৰু চেনিতে মাইক্ৰ’প্লাষ্টিক আছে। সেই সকলো নিমখ বা চেনি, সৰু বা ডাঙৰ দানাযুক্ত হওক, পেকেজড বা আনপেকেজড হওক, অনলাইন বা স্থানীয় বজাৰৰ পৰা কিনা হওক, ভাৰতৰ সকলো ব্ৰেণ্ডেড চেনি আৰু নিমখতে মাইক্ৰ’প্লাষ্টিক থকা বুলি দাবী কৰা হৈছে।

উল্লেখ্য যে স্বাস্থ্য আৰু পৰিৱেশ দুয়োটা দিশতে মাইক্ৰ’প্লাষ্টিক অতি উদ্বেগজনক বিষয়। ইয়াৰ কুপ্ৰভাৱৰ বিষয়ে সমগ্ৰ বিশ্বতে চৰ্চা চলিছে। গৱেষণাৰ মতে মাইক্ৰ’প্লাষ্টিকৰ পৰা ক্ষতিকাৰক ৰাসায়নিক পদাৰ্থ নিৰ্গত হয়, যাৰ ফলত বিভিন্ন স্বাস্থ্যজনিত সমস্যাৰ সৃষ্টি হ’ব পাৰে। এই সমস্যাসমূহৰ ভিতৰত আছে প্ৰজনন সমস্যা, শৰীৰৰ বিকাশৰ সমস্যা আৰু কৰ্কট ৰোগৰ দৰে ৰোগ।

ব্ৰেণ্ডেড নিমখ আৰু চেনিত মাইক্ৰ’প্লাষ্টিক আছে নে নাই সেইটো জানিবলৈ স্থানীয় বজাৰৰ পৰা আৰু অনলাইনৰ জৰিয়তে ৫টা চেনিৰ নমুনা আৰু স্থানীয়ভাৱে বিক্ৰী কৰা নিমখ, টেবিল ছল্ট, ৰক ছল্ট আৰু সাগৰীয় নিমখৰ নমুনা ক্ৰয় কৰা হৈছিল।

লগতে পঢ়কঃ ২২ আগষ্টত হিণ্ডেনবাৰ্গ-আদানীক লৈ সমগ্ৰ দেশতে প্ৰতিবাদ কৰিব কংগ্ৰেছে; ছেবিৰ মুৰব্বীৰ পদত্যাগৰো দাবী

দুটা নিমখৰ নমুনা আৰু এটা চেনিৰ নমুনাৰ বাহিৰে বাকী সকলোবোৰ ব্ৰেণ্ডেড আছিল। নিমখত থকা মাইক্ৰ’প্লাষ্টিকৰ পৰিমাণ আৰু আকাৰ প্ৰতিটো নমুনাতে একে আছিল। ইয়াৰ শুকান ওজনত প্ৰতি কিলোগ্ৰামত ৬.৭১ৰ পৰা ৮৯.১৫ টুকুৰা আৰু ০.১ মিলিমিটাৰৰ পৰা ৫ মিলিমিটাৰলৈকে আছিল।

আয়’ডিনযুক্ত নিমখৰ নমুনাত মাইক্ৰ’প্লাষ্টিকৰ সৰ্বাধিক ঘনত্ব (প্ৰতি কিলোগ্ৰাম ওজনত ৮৯.১৫ টুকুৰা) পোৱা গৈছিল। আটাইতকৈ কম অৰ্গেনিক ৰক ছল্টৰ নমুনাত পোৱা গৈছিল (যিটো প্ৰতিটো শুকান ওজনত ৬.৭০ টুকুৰা আছিল)।

চেনিৰ কথা ক’বলৈ গ’লে অৰ্গেনিক চেনিৰ নমুনাত মাইক্ৰ’প্লাষ্টিকৰ ঘনত্ব আটাইতকৈ কম (প্ৰতি কিলোগ্ৰামত ১১.৮৫ টুকুৰা)। আৰু নন অৰ্গেনিক চেনিৰ নমুনাত মাইক্ৰ’প্লাষ্টিকৰ সৰ্বাধিক ঘনত্ব (প্ৰতি কিলোগ্ৰামত ৬৮.২৫ টুকুৰা) দেখা গৈছিল।

লগতে পঢ়কঃ প্ৰতিদিনে ভাতসাজৰ সৈতে কেঁচা জলকীয়া খায়! নিয়মিত জলকীয়া খোৱাটো সঁচাকৈয়ে উপকাৰীনে?

ইতিমধ্যে অধ্যয়নত দেখা গৈছে যে মাইক্ৰ’প্লাষ্টিক সংস্পৰ্শলৈ আহিলে হাওঁফাওঁৰ প্ৰদাহ আৰু কেন্সাৰ, হাৰ্ট এটেক, এণ্ড’ক্ৰাইন বিঘিনি, ওজন বৃদ্ধি, ইনচুলিন প্ৰতিৰোধ ক্ষমতা আৰু বন্ধ্যাত্বৰ সম্ভাৱনা বৃদ্ধি পায়। প্লাষ্টিকৰ সৰু সৰু কণাবোৰ পানী, বায়ু, খাদ্যৰ সৈতে মানুহৰ শৰীৰত প্ৰৱেশ কৰে। শেহতীয়া কেইবাটাও গৱেষণাই দাবী কৰিছে যে ই হাওঁফাওঁ আৰু হৃদযন্ত্ৰৰ দৰে অংগত পোৱা গৈছে।