ডিফু চহৰক অতি শীঘ্ৰেই মিউনিচিপালিটীলৈ উন্নীত কৰা হ’ব : ছুম ৰংহাং
অসমৰ কেবিনেট মন্ত্ৰী ছুম ৰংহাঙে কৈছে যে ডিফু চহৰক অতি শীঘ্ৰেই মিউনিচিপালিটীলৈ উন্নীত কৰা হ’ব। লৰুলাংছোত অনুষ্ঠিত টাউন কমিটীৰ নিৰ্বাচনী সমদলত অংশগ্ৰহণ কৰি ৰংহাঙে এইদৰে কয়।
এইচ্চএডি, খনি মন্ত্ৰী ৰংহাঙে কৈছে, ‘‘কাৰ্বি আংলঙৰ আটাইতকৈ ডাঙৰ টাউন কমিটী হৈছে ডিফু টাউন কমিটী। ইয়াত ১৪টা ৱাৰ্ড আছে। মই ভাৱোঁ যে অতি শীঘ্ৰেই ইয়াক মিউনিচিপালিটীলৈ উন্নীত কৰা হ’ব। ইয়াৰ বাবে কাৰ্বি আংলঙৰ ষষ্ঠ অনুসূচিৰ অন্তৰ্গত এলেকাসমূহে উদ্যোগ গ্ৰহণ কৰিব লাগিব।”
তেওঁ আৰু কৈছে, ”যদিহে ডিফুক মিউনিচিপালিটীলৈ উন্নীত কৰা হয়, তেন্তে ই মিউনিচিপালিটীয়ে পাবলগীয়া সকলো সুবিধা লাভ কৰিব। বৰ্তমান ই ৰাজ্যপালৰ অনুমোদনলৈ ৰৈ আছে। যিহেতু আপোনালোকৰ প্ৰতিনিধিয়ে কাৰ্বি আংলং জিলাত বিষয়টো উত্থাপন কৰিছে সেয়েহে আমাক পুঁজিৰ পৰা বঞ্চিত কৰা নহয়।”
তেওঁ আৰু কয়, ‘‘আমাৰ উপকাৰৰ বাবে আমি বিজেপিক ভোট দিয়া উচিৎ। আমাৰ দলে কেন্দ্ৰ, ৰাজ্য আৰু কাৰ্বি আংলং স্বায়ত্ব শাসিত পৰিষদত শাসন কৰি আছে। আমি বিজেপি প্ৰাৰ্থীসকলক ৱাৰ্ডসমূহৰ পৰা নিৰ্বাচিত কৰি পঠিয়ালে আমাৰ কাম কৰাত সুবিধা হ’ব।
তেওঁ লগতে বিজেপিয়ে ৱাৰ্ডসমূহত বিজয়ী হ’ব বুলি আত্ম বিশ্বাসেৰে কয়।কিছুমান ৱাৰ্ডত বিজেপিয়ে বিজয়ী হৈছেই মাথোং আনুষ্ঠানিক ঘোষণালৈহে বাকী আছে।