ভাৰতীয়ৰ বাবে সুখবৰঃ ব্ৰিটেইনত ভাৰতীয়ক কাম কৰাৰ সুবিধা দিবলৈ ঋষি চুনাকে মুকলি কৰিলে ৩,০০০ ভিছা

ব্ৰিটেইনৰ নতুন প্ৰধানমন্ত্ৰী হিচাবে দায়িত্ব গ্ৰহণ কৰিয়েই ভাৰতীয় বংশোদ্ভূত ঋষি চুনাকে ভাৰতীয় লোকৰ বাবে গ্ৰহণ কৰিছে এক কাৰ্যকৰী পদক্ষেপ।

সেইমৰ্মে এতিয়াৰে পৰা ব্ৰিটেইনে ভাৰতীয় যুৱক-যুৱতীসকলক দেশ খনত কাম কৰাৰ বাবে ৩ হাজাৰ ভিছা প্ৰদান কৰিব। এনে সুবিধা লাভ কৰা ভাৰতেই হ’ব প্ৰথম দেশ। উল্লেখ্য ইণ্ডোনেছিয়াৰ বালি ভাৰতৰ প্ৰধানমন্ত্ৰী নৰেন্দ্ৰ মোদীক সাক্ষাৎ কৰাৰ পিছতে চুনাকে এই সিদ্ধান্ত লয়।

ফলত ১৮-৩০ বছৰীয়া ভাৰতীয় শিক্ষিত যুৱ প্ৰজন্মক দুবছৰলৈকে ব্ৰিটেইনত কাম কৰাৰ সুবিধা লাভ কৰিব। ব্ৰিটেইনে কৈছে যে এয়া দুয়ো খন দেশৰ অৰ্থনীতি শক্তিশালী কৰাৰ বাবে ভাৰত-প্ৰশান্ত মহাসাগৰীয় অঞ্চলৰ সৈতে শক্তিশালী সম্পৰ্ক গঢ়ি তোলাৰ ই এক প্ৰয়াস ।

বৰ্তমান ব্ৰিটেইনত ৯৫,০০০ ৰৰো অধিক ভাৰতীয় লোকে বিভিন্ন কোম্পানী আদিত কাম কৰি আছে। অতিৰিক্ত তিনিহাদাৰ ভিছাই সেই সুবিধা বৃদ্ধি কৰিব।