জনজাতিকৰণৰ দাবীত বিজেপি চৰকাৰৰ বিৰুদ্ধে প্ৰতিবাদত বহিল টাই আহোম যুৱ পৰিষদ
শনিবাৰে জনজাতিকৰণৰ দাবীত বিজেপি চৰকাৰৰ বিৰুদ্ধে প্ৰতিবাদত বহিল টাই আহোম যুৱ পৰিষদ।
টাই আহোম যুৱপৰিষদ অসমৰ কেন্দ্ৰীয় সমিতিৰ আহ্বান মৰ্মে টাই আহোম জনগোষ্ঠীৰ লোকসকলক অতিশীঘ্ৰে জনজাতিকৰণৰ লগতে স্বায়ত্ব শাসন প্ৰদানৰ দাবীত শিৱসাগৰ জিলা উপায়ুক্ত কাৰ্য্যলয়ৰ সন্মুখত ৩ ঘণ্টীয়া অৱস্থান ধৰ্মঘট কাৰ্য্যসুচী ৰূপায়ণ কৰে।
এই কাৰ্য্যসুচীৰ জড়িয়তে সংগঠনটোৱে নৰেন্দ্ৰ মোডী নেত্বাধীন বিজেপি চৰকাৰক দাবী উত্থাপন কৰে যে অতি শীঘ্ৰে টাই আহোম জনগোষ্ঠীৰ লোকসকলক জনজাতিকৰণ প্ৰদান কৰক। প্ৰতিবাদকাৰীসকলে পৰৱৰ্তী সময়ত জংগী আন্দোলন কৰাৰো হুংকাৰ প্ৰদান কৰে ৷
চৰকাৰে দাবী নামানিলে এক লাখ আহোম সম্প্ৰদায়ৰ লোকক লৈ ঐতিহাসিক জেৰেঙা পথাৰত বিজেপি চৰকাৰৰ বিৰুদ্ধে তীব্ৰ প্ৰতিবাদৰ হুংকাৰ দিলে টাই আহোম যুৱ পৰিষদে।
প্ৰতিবাদী কাৰ্যসূচীত টাইপাৰ কেন্দ্ৰীয় সমিতিৰ সভাপতি বিজয় ৰাজকোঁৱৰ উপস্থিত থাকে।