Teachers Cruelty বিদ্যালয়ত শিশু ছাত্ৰক তালিবানী শাস্তি শিক্ষকৰ; হাজোৰ বামুন্দীত প্ৰতিক্ৰিয়া

Teachers Cruelty শিক্ষক নে দানব! কামৰূপৰ বামুন্দীৰ এখন বিদ্যালয়ত কণমানি ছাত্ৰক তালিবানী শাস্তি শিক্ষকৰ! শিক্ষক ৰবীন তালুকদাৰৰ বিৰুদ্ধে শিশু ছাত্ৰক তালিবানী শাস্তি দিয়াৰ গুৰুতৰ অভিযোগ উত্থাপন হৈছে।

বামুন্দীৰ কৈলাশপুৰ প্ৰাথমিক বিদ্যালয়ত সংঘটিত হৈছে এই ঘটনা। সাধাৰণ কথাত এগৰাকী কণমানি ছাত্ৰক শিক্ষক ৰবীন তালুকদাৰে প্লাষ্টিক পাইপেৰে উপৰ্যুপৰি প্ৰহাৰ কৰা ঘটনাই তীব্ৰ প্ৰতিক্ৰিয়াৰ সৃষ্টি কৰিছে।

প্ৰহাৰ কৰাই নহয়, বিদ্যালয়ৰ শৌচালয়ত কনমানি ছাত্ৰজনক দুঘণ্টা সময় বান্ধি দুৱাৰত তলা মাৰি শাস্তি দিলে শিক্ষক ৰবীন তালুকদাৰে!

কণমানি ছাত্ৰ জনৰ কাতৰ আহ্বানকো কেৰেপ নকৰি শিশু ছাত্ৰ গৰাকীৰ ওপৰত চৰম নিৰ্যাতন চলালে শিক্ষক ৰবীন তালুকদাৰে।

Also Read: Farm Law জয় কিষাণ! অৱশেষত বাতিল কৃষি আইন; কৃষকক পথাৰলৈ ঘুৰি অহাৰ আহ্বান মোদীৰ

চেকনিৰ আগত বিদ্যা কেতিবাই অতীত হ’ল যদিও নিৰ্মমতাৰ সীমা চেৰাই এগৰাকী কণমানি ছাত্ৰক বিদ্যালয়ত এইদৰে শাস্তি দিয়াৰ অধিকাৰ কত পালে ৰবীন তালুকদাৰে?

কণমানি ছাত্ৰক নিৰ্মম প্ৰহাৰৰ ঘটনাৰ পাছত কামৰূপ জিলা বিদ্যালয় পৰিদর্শকৰ কাৰ্য্যালয়ৰ লগতে কামৰূপ জিলা উপায়ুক্তক অভিযোগ দাখিল কৰিছে নিৰ্যাতিত ছাত্ৰ গৰাকীৰ পৰিয়ালে।

কিন্তু নিজকে প্ৰভাৱশালী বুলি জহাই ফুৰা শিক্ষক ৰবীন তালুকদাৰৰ বিৰুদ্ধে এতিয়ালৈ কোনো ব্যৱস্থাই গ্ৰহণ কৰা নহ’ল! উপায়হীন হৈ অসহায় এই পৰিয়ালটো এতিয়া কাষ চাপিছে সংবাদ মাধ্যমৰ।

Also Read: Lunar Eclipse 2021: আজি বছৰৰ অন্তিমটো চন্দ্ৰগ্ৰহণ; বিৰল এই আংশিক চন্দ্ৰগ্ৰহণ কেতিয়া, ক’ত দেখা যাব?

এই ঘটনাৰ বিৰুদ্ধে মাত মতা এগৰাকী যুৱতীক এতিয়া গুণ্ডাৰূপী শিক্ষক ৰবীন তালুকদাৰৰ ভাৰাতীয়া গুণ্ডাই প্ৰাণে মৰাৰ ভাবুকি দিয়াৰ অভিযোগ উত্থাপিত হোৱাৰ লগতে যুৱতী গৰাকীৰ ঘৰত দুৰ্বৃত্তই আক্ৰমণ চলোৱাৰো অভিযোগ উঠিছে।