হাজোৰ আধিয়াৰপাৰাত বৰলীয়া নৈৰ গৰাখহনীয়াত পৰি অন্য ঠাইলৈ স্থানান্তৰ হ’ল দহটাকৈ পৰিয়াল

তীৰ্থনগৰী হাজোৰ আধিয়াৰপাৰাত বৰলীয়া নৈৰ গৰাখহনীয়াই কালৰূপ ধাৰণ কৰিছে। হাজোৰ মানচিত্ৰৰ পৰা যিকোনো মুহূৰ্ততে নোহোৱা হ’ব পাৰে আধিয়াপাৰাৰ নাম।

এই গৰাখহনীয়াৰ কবলত পৰি ইতিমধ্যে ঘৰ-দুৱাৰ ভাঙি অন্য ঠাইলৈ স্থানান্তৰ হ’বলগীয়া হৈছে প্ৰায় ১০টাকৈ পৰিয়াল।

কিন্তু পুনৰ এই গৰাখহনীয়া অব্যাহত থকাত নৈ-পৰীয়া ৰাইজৰ মাজত হাহাকাৰ লাগিছে।

আধিয়াৰপাৰা অঞ্চলৰ বৰলীয়া নৈৰ দুয়োপাৰে বিজ্ঞানসন্মতভাবে যদি মথাউৰি নিৰ্মাণ কৰা নহয়, তেনেহ’লে অতি সোনকালেই শ-শ পৰিয়ালে পুনৰ নিজৰ ঘৰৰ ভেঁটি হেৰুৱাব লাগিব।

অঞ্চলটোৰ পৰিয়ালসমূহে এতিয়া মুখ্যমন্ত্ৰী ড: হিমন্ত বিশ্ব শৰ্মাৰ লগতে বিভাগীয় কৰ্তৃপক্ষক এই গৰাখহনীয়া ৰোধৰ বাবে প্ৰয়োজনীয় ব্যৱস্থা গ্ৰহণ কৰাৰ বাবে দাবী জনাইছে।